أنا مضطر أبعد عن المنتدى اليومين دول ودا بسبب انشغالى بالكتاب اللى بألفه وان شاء الله هرجع فى أول شهر 9 ان شاء الله أكتب تانى وبعدين علشان يبقى فى طلبة تدخل ترد على الموضوعات ويبقى فى استفادة اكبر للكل انما بالطريقة اللى انا بكتب بيها دى والردود اللى انا بشوفها دى بصراحة انا مش شايف اى حد عايز يتعلم لغة اصلا دا مافيش حد بيسأل عن اى حاجة غير اسئلة مافيهاش فايدة انما هى اسئلة تحس أن صاحبها مجرد أنه يسهل على نفسه وبس بمعنى ان أكتر سؤال انا شوفته (انا عايزة الترجمة لو سمحت) وانا مش ضد السؤال ده طبعا لكن هترجم إيه بزمتكم هو مافيش واحد او واحدة تتبرع بترجمة الموضوع لوحتى غلط وانا أصلحه؟؟؟ انا بجد مش فاهم!!!!! وبعدين هو ما فيش سؤال تانى من اى حد تانى طيب دا انا لما كتبت المواقف كنت هبوس ايد اللى بيدخل علشان يحلها وما اتحلتشى الا بعد معاناه وبالنسبة للموضوعين اللى انا كتبتهم ولا واحد فكر يقولى انا عايز اعمل محادثة ولا حتى يسال ويقولى طيب لما أكون فى الموقف الفلانى اقول ايه انا شايف للأسف الردود عبارة عن شكرا وبس وطبعا لو سألت اللى قاللى شكرا اى سؤال ولا هيعرف اصلا الموضوع بيتكلم عن ايه وبصراحة انا اتعودت طول عمرى انى اتكلم فى المليان مش فى الفاضى.
عموما الموضوع ده انا عايز الرد عليه ومش هدخل قبل يومين يعنى ان شاء الله هدخل يوم الاتنين اشوف الردود وبناء على الردود انا هعرف انا هعمل ايه ان شاء الله.
ومتاسف جدا يا دكتور احمد على القرار ده انا كان نفسى أكمل فى المنتدى لكن بالشكل ده مستحيل انا ما بتكلمشى فى الفاضى أنا. يعنى انا ما يكفنيش كلمة شكر وبس لأ انا عايز افيد واستفيد وانا مش شايف ان فى حد بيستفيد من كلامى بصراحة ودا باين من الردود اللى بتتقال يعنى انا مش شايف الا اصحابى اللى بيردوا عليه وهما بصراحة معايا كل يوم على الشات يعنى ممكن نتناقش مع بعض بدون المنتدى.
وأشكر الكل على المتابعة وأشكر دكتور أحمد على هذا المجهود وان شاء الله هيبقى ليه شغل فى المنتدى فى اول 9 مع الطلبة بتوعى بأذن الله دا لو مايضايقشى حد وخصوصا دكتور أحمد الراجل اللى تعب معايا وعمللى اللى انا عايزة بس انا ماهربتش بالعكس انا كنت متوقع نتيجة افضل من كده لكن للاسف مش هيتعلم الا الطلبة اللى فى ثانوى وبس.
انا أسف لو كنت ضايقت اى حد فى المنتدى واعذرونى ان انا طولت عليكم واللى له اى تعليق على اى تعليق انا كاتبه ضايقه يكتبلى اسم الموضوع وفى اى قسم وانا يوم الاتنين ان شاء الله هدخل واشوف الاراء كلها وهحذف اى تعليق ضايق اى حد وأخيرا السلام عليكم ورحمة الله وبركاته.