اشياء لا تجعل الرجل يعتذر للمرأة

لتعديل بياناتك من هنا

تشيط أعصاب المرأة من الموقف الذي يكون فيه الرجل مخطئا ولكنه لا يعترف بالخطأ ولا يقوم بالاعتذار عما فعله، وتتحير لماذا لا يقوم الرجل بالاعتذار وتتهمه بأنه شرس وخالي من المشاعر وجلياط وجلنف ولا يفهم في الاتيكيت وآداب التعامل مع المرأة.

وهناك يا عزيزي 4 أشياء تجعل الرجل لا يقوم بهذه الخطوة المهلكة وهي الاعتذار للمرأة:

لا تسامح
لدى الرجل قناعة لا تتزعزع بأن المرأة لا تسامح أبدا ولا تنسى الإهانة، ولذلك يقول الرجل في نفسه إنه حتى لو اعتذر فإن ذلك لن يفيد في شيء، فيختصر الطريق ويقرر عدم الاعتذار أساسا.

قلبها أسود
يعتقد الرجل أن المرأة سوف تذكر له الخطأ الذي ارتكبه مدى الحياة، فهو يرى أنها صاحبة قلب أسود ودائما ما ستعايره وتذكره بما فعله معها في السابق وأنها لن تنسى الموضوع ابدا، وهنا يقرر عدم الاعتذار كي لا تترسخ معتقداتها في ذهنها وتفتكر نفسها على حق فالموضوع مش ناقص وهي كدة كدة مش هتنسى.

سوف تطنطط
ثقافة الاعتذار في المجتمع الشرقي غير موجودة إلى حد ما، فالرجل الذي يعتذر نقول عليه مخطئ، وننظر له وكأنه مكسور ومذلول، أما الشخص الذي يتم الاعتذار له، فهو لا يقدر قيمة هذا الاعتذار بل سنجده يضع رجل على رجل ويتعالى على من أمامه ويتعامل معه معاملة السيد للعبد.

والرجل يعتقد أن المرأة سوف تفعل معه ذلك أيضا، أي ستعيش في الدور وتعتبر نفسها قوية وحازمة بل وتتعالى عليه وتنفعل وتسوق فيها لو هو قام بالاعتذار لها، ولذك فالرجل لا يعتذر.

الخوف من التعود
المرأة تريد أن يتعامل معها شريكها بشكل ثابت ولا يتغير كي لا تفاجا بتصرفات وانفعالات غريبة وغير متوقعة، وإذا قام الرجل بالاعتذار لها فسوف تعتقد أن هذا أسلوبه وسوف ترتاح جدا لهذا الأسلوب ولن ترضى عنه بديلا فيما بعد، وهنا الرجل يخشى من حدوث هذا التعود كي لا تترك له البيت كل شوية لمجرد أنه لم يقل لها "أنا آسف يا حياتي" بل يريد أن يعودها أن تتحمل وتصمت وان الاعتذار يكون تفضلا منه وليس واجبا عليه في كل موقف.

بس انا شايفة ان دة غلط لازم اى حد يعترف بغلطة للتانى لان زى مالرجل يحب ان مراتة تعتذر ليه الست كمان بتحب كدة لو حست من جوزها غلط
ودة مش ضعف منه باعكس ده احترام للانسانه اللى مرتبط بيها
وحب اشياء لا تجعل الرجل يعتذر للمرأة 35220010

اشياء لا تجعل الرجل يعتذر للمرأة 35220010

لتعديل بياناتك من هنا

اعجبني هذا العقل المفكر والمتامل ليست مجرد كتابات بل رؤيه واضحة وتحليل كنت اشتاق الي مثله تحياتي

لتعديل بياناتك من هنا

احيانا الرجل بيعتبر الاعتزار شئ بيقص من قدره
علي اعتبار انه رجل والرجل لا يخطئ
لكن الرجل والمرأه انسان وكلاهما معرض للخطأ
وقمه القوه ان نعترف بأخطاءنا ونتعتزر عنها وطالما ان الرجل اقوي يبقي المفروض يكون اسرع في الاعتزار اذا اخطأ ولا ايه رايك ياساره

لتعديل بياناتك من هنا · موضوع: رد الأربعاء أبريل 09, 2008 12:59 pm

والله المشكله مش في الراجل المشكله في الست اللي بتعتبر ده ضعف يفضلو ورانا لحد ما نعتذر وبعدين يحسسونا بالضعف

لتعديل بياناتك من هنا

انا شايفة ان رايك صح ياملك ومتشكرة جدا على المشاركة بتاعتك دى
واسفة يادكتور احمد ان اقولك انك غلطان
الست تحب لما جوزها يغلط ان هو يعتزرلها زى مهو يحب بالظبط ان هى تعتزر له
وهى كدة مش معناها ان هى شايفاه ضعيف او عديم الشخصية
بالعكس
انا لما اشوف زوجى يعترف بغلطة دة يبقى معناه انه رجل بجد
يقدر يتحمل نتيجة غلطة مش يهرب منها
انه يكون حاسس بالغلط بتاعة ويقدر يصلحه
الرجل الشرقى بس هو اللى بيحس الاحساس دة (الضعف)
بدليل ان ده راى 3 بنات زيى ومفيش رأى معاكس غير رأى رجل واحد
وده ممكن يترتب عليه مشاكل كتير
ليه منخليش حياتنا ايسر واسهل ؟!!!
ليه منحولش نبسطها اكتر من كدة ونشيل الكلاكيع اللى جوانا دى ؟!!!!!!!!!!!

لتعديل بياناتك من هنا

انا نفسي تتكلمو مع ست متجوزة من امريكي مثلا وهيا هتعرفك حقيقة الراجل الغربي بدل منتو بتتكلمو كده بغير علم عن الراجل الشرقي اللي هو اساسا احسن راجل في الدنيا

لتعديل بياناتك من هنا

انا مقصدش بتحديدى للاسم * الرجل الشرقى * ان اقول انه وحش
او ان الرجل الغربى احسن منه
محدش يبصلها من وجهة نظر واحدة
وطبعا الرجل الشرقى احسن بكتير من اى رجل تانى
زى مبيتقال فى الامثال * البلدى يوكل *
بس انا بقول ان مشكلة الرجل الشرقى فى النقطة دى بياخدها على محمل ان دى كرامة
وعيب
وميصحش انه يعتذر ليها
والاسباب طرحتها سابقا
ولكن انا بقول ان المفروض انه يعتذر ودة مش عيب
ولا غلط ولكن ده حب للانسانة اللى معاه واحترام لعقلها وتفكيرها
و لو صعبان قوى عليك كرامتك ووجعاك وصعب عليك انك تعتذر
خدها من نقطة تانية
من نقطة الدين يعنى :
انك مثلا بتحاول ترضى ربنا باعتذارك ده
انك مثلا بتعمل لاخرتك كأنك تموت غدا * وطبعا انت مش عايز تموت وحد زعلان منك *
او تعمل لدنيتك كأنك تعيش ابدا * وطبعا مش عايز عكننه عليك فبتعتزر*

لتعديل بياناتك من هنا · موضوع: الرجل الشرقى السبت أبريل 12, 2008 11:32 pm

عجبنى الموضوع
انا شايفه ان الرجل الشرقى هو الرجل بمعنى الكلمه
المشكله مش فى انه يعتذر او غيره المشكله انه اصلا مبيحسش انه غلط
انما بقى لو حس بغلطه انا مش عاوزه يقولى انا اسف
بس احب يعتذر بطريقه تانيه ممكن يتكلم بملاطفه او يشكر فى امام ناس
او يحسسنى انه بيعتذر من غير ما يقول انا اسف
وبصراحه يا ساره انا مع الراى اللى بيقول ان الست قلبها اسود
هو بصراحه
الست مبتعرفش تنسى الغلط المقصود ولو اعتذر سنه كامله مش هيهون الغلط
ومش الست بس اى حد فى الدنيا مبينساش الغلط المقصود

لتعديل بياناتك من هنا · موضوع: شقاوة اخ السبت أبريل 12, 2008 11:51 pm

انا رأى: ان الراجل راجل والست ست
الراجل لازم يكون حمش ميعتزرش ولو غلط الست برده تعتزرله لانه جوزها
وهى لازم تتحمل غلطتها انها اتجوزته
وعجبنى رأى بوسى جدا جدا جدا ويا ريت نتعرف
لكن رأى ساره مش عاجبنى خاااااااااااااااااااااااااااااالص
ولو تسيب المنتدى يكون احسن
متزعليش يا ساره على الرغم من انى مقريتش اى حاجه
بس دا الواضح
مع تحيات
اخوها اللى بهزر

لتعديل بياناتك من هنا

انا من رائيى ان اللى يغلط لازم يعتزر للطرف الثانى عشان يبقى فيه الموده والرحمه اللى زكرها الله عز وجل فى كتابه وبعدين لما يعتزر الرجل اكيد هى هاتقدر ده وهيبقى فيه تسامح طالما فيه حب واحترام يعنى لا هتتكبر ولا هاتعيره

لتعديل بياناتك من هنا

طبعا بشكر هبه على رايها
وبشكر الاخ شريف على رايه الجميل فى الموضوع اللى متقراش اصلا
وبالنسبة انى اسيب المنتدى ده
علشان خاطرك ياشريف ان طبعا هسمع كلامك ومش هسيب المنتدى خالص
وبشكر هدى طبعا على مشاركتها معانا

لتعديل بياناتك من هنا

انا اللى بشكرك والله على اهتمامك

لتعديل بياناتك من هنا

لا شكر على واجب

لتعديل بياناتك من هنا

كل شويه الاقى واحده فيكم كاتبه لا شكر على واجب
لا شكر على واجب
هو دا سيم بينكوا ولا ايه
انتوا بترتبوا لايه بالضبط
لا شكر على واجب دا زى الفله فى المنفله؟

لتعديل بياناتك من هنا

هههههههههه
اه فعلا
احنا بنجهز لانقلاب قوى جدا
ها .........
تدخلى معانا

» الرجل يفضح عمره بما يعترف
» إدراك الأسباب التي تجعل أمك لا تفهمك
» 95صفه يحبها الرجل في زوجته
» الرجل لغزا ايضا
» الرجل الذي لا تنساه المـــرأة !!!