هل الماكياج مرتبط بالطرحة أم بالإكسسوار؟

لتعديل بياناتك من هنا

حوار مع مروة حامد يلا نشوف الحوار ده فيه ايه.
هل الماكياج مرتبط بالطرحة أم بالإكسسوار؟
يوضع الماكياج على أي لون، ولكن من الأفضل أن يكون لون الماكياج مناسب للون الإكسسوار، يعني مثلاً لو البلوزة موف، والإيشارب أصفر، ولابسة إكسسوار تركواز يبقى أحط كحل لونه تركواز..

ولو البلوزة أورانج والطرحة والإكسسوار لونهم بني يبقى أحط على طول كحل بني.

الروج بس هو اللي ممكن لونه يكون زي لون الإكسسوار أو البلوزة.

بس خدي بالك إن الأمر بيختلف تماماً في السواريه، لازم يكون الماكياج متناسق مع لون الطرحة.. يعني مثلاً لو لابسه طرحة لونها نبيتي يكون الماكياج أسود في نبيتي والروج نبيتي.

هل الرموش الصناعية تعتبر موضة الآن؟
احنا رجعنا إلى موضة الخمسينيات، واللي كانت بتسمى موضة "سعاد حسني"، فممكن إننا نضع الرموش الصناعية في النهار مع الآي لاينر، والروج، وتحديد العين باللون الأسود أصبح موضة بالإضافة إلى الماسكرا.

ازاي أضع ماكياج، وأظهر أني بدون ماكياج؟
بإنك تحطي ألوان خفيفة زي (البيج)؛ لأنها بتدّي إحساس بالطبيعة أكتر.

أيهما يستوعب ماكياج أكتر: صاحبة البشرة البيضاء أم الخمرية؟
البشرة الخمرية تستوعب ماكياج كتير، وأنا عن نفسي مش بحب أحط ماكياج كتير على الوجه الأبيض؛ لأنه بطبيعته بيكون بسيط، وفيه ألوان طبيعية، ومش بيحتاج إلا ألوان بسيطة زي ألوان "البيجات" فوق العين بجانب الروج.

ازاي أداري عيوب الوجه بالماكياج؟
بالنسبة للأنف الكبيرة أو أي حاجة بارزة وضخمة..
يبقى أضع كريم أساس غامق على هذه المنطقة، وعلى بقية الوجه لون فاتح؛ عشان يعطي مساحة لون واحد، وممكن عند رسمة الشفايف تضع لون التحديد لفوق وتكبّر الشفايف شوية عشان تغطي شوية من ضخامة الأنف.

وبالنسبة للشفايف الكبيرة..
يبقى أحاول أعوض في منطقة العين، وأضع فيها ماكياج كثير؛ عشان التركيز يكون على العين أكثر، وأصغّر طريقة التحديد من داخل الشفايف، ولا تضع "ملمع الشفايف"؛ لأنه يعطي سُمك للشفايف، لكن لو الشفايف صغيرة تستخدم قلم تحديد داخل منطقة الشفايف، وتضع "ملمع الشفايف"؛ عشان يعرّض الشفايف.

ازاي أضع الكحل في العين الضيقة؟
أضع الكحل من الخارج وأسحبه كله للداخل، لكن ممكن تضع ألوان كحل زي البيج والأخضر والتركواز من الداخل، ونحاول نبعد عن اللون الأسود؛ لأنه حيصغّر العين..

بالنسبة للعين الواسعة؟
تحاول تضع الكحل من الداخل خاصة في العين الجاحظة، ولا تضع ألوانا من تحت الجفن، وتضع ألوانا في المنطقة المتحركة من العين.

وازاي أثقّل الحواجب؟(بالآي شادو) الخاص بالحواجب، واسمه (إيبرو)، وبالفرشة الخاصة به واسمها (إنجل براش)، وتبتعد تماماً عن استخدام قلم الكحل لثقل الحاجب؛ لأنه بيساعد على تقصّفها، لكن قلم الكحل يستخدم في حالة الحواجب الخفيفة قوي، وعلى فكرة (آي شادو) الحواجب فيه ألوان كثيرة زي البني الفاتح والغامق والأسود.

هل هناك بديل لكريم الأساس؟
أنصح أثناء النهار بوضع عازل للشمس ملون لكن في الليل أضع كريم أساس بأنواعه المختلفة والمناسبة للبشرة؛ لأنه يعطي لونا موحدا للبشرة، وأستطيع أن أضع أي لون من الكحل والروج بسهولة وجمال.

الروج الأحمر رجع موضة تاني، ومعظم البنات لا تحب الأحمر، تعمل إيه وإيه درجة الأحمر المناسبة؟
الروج الأحمر يناسب الجميع، طالما اللي تضعه متقبلاه نفسيّاً، وليس ضروريّاً استعماله مع ألوان الملابس بالعكس؛ فأعتقد إن كل ما كانت الحاجة متماشية كلها مع بعض كانت أفضل، فمثلاً لو استعملت البنت الروج الأحمر يبقى تبعد عن أي آي شادو بألوان جريئة زي الأحمر أو الأزرق أو الموف، ويكفي استعمال الكحل أو الآي لاينر الأسود والماسكرا، وممكن آي شادو بيج خفيف.

وازاي أحافظ على درجة الروج أطول فترة ممكنة؟
نستعمل محدد الشفاه الجاف، ونغطي به الشفاه بالكامل، وهذا يعمل على تثبيت الروج ولا يتغير، وإذا كان لون الشفاه الأصلي غامقا فيمكن وضع الفوندشين الفاتح قبل الروج.

ازاي أحافظ على الحواجب من السقوط؟1- لا نستعمل قلم الحواجب؛ لأنه يساعد على سقوط الشعر في هذه المنطقة.
2- لا نستعمل موس؛ لإزالة الشعر.
3- لا نجري وراء الموضة، ونرسم حاجبا رفيعا؛ لأن الموضة بتتغير والآن الحواجب الثقيلة موضة.
4- ونستعين بزيوت طبيعية قبل النوم لدهن الحاجب، وكمان الشعر؛ لمنع سقوطه، وهو زيت مستخلص من شعر الخيل.

الماسكرا أحيانا بتكون غليظة هل معناه أنها أصبحت منتهية، ولا ممكن يكون لها حل؟
أولا: نتعرف على صلاحية الماسكرا من رائحتها، وطبعاً هنا يكون استخدامها ضارّا جدّاً، وتسبب مشاكل كثيرة، لكن عندما تكون غليظة ممكن وضع نقطة ماء أو نقطة كريم سائل؛ لكي تصبح سائلة، وهذا أفضل من وضع زيت من أي نوع؛ لأنه ممكن أن يضر العين.

إيه هي أحدث الألوان في الماكياج؟
أكثر لون بدأ يظهر، وموجود في أغلب الماركات هو اللون البني المائل إلى الروز، وهذا اللون مناسب جدّاً لبشرتنا الخمرية، خاصة أنه موجود في أحمر الشفاه، وفي الآي شادو بجانب طبعاً ألوان البيج وهي ألوان جميلة ولا تتغير موضتها، وتبدو وكأن البنت بدون ماكياج.

ازاي أضع مانيكير الأظافر بطريقة صحيحة؟1 - قصي أظافرك حسب الرغبة والطول المناسب لكِ.
2 - استعملي المبرد الخشبي؛ لأن المعدن يشقق الظافر ويضعفه.
3 - انقعي الأظفر في ماء دافئ عليه شامبو لمدة خمس دقائق.
4 - أزيلي الجلد الزائد حول الظافر عن طريقة قطعة قطن صغيرة.
5 - قصيه بالقصافة الخاصة بالجلد.
6 - ضعي المانيكير الشفاف لحماية الأظافر من التلوث.
7 - ضعي اللون المرغوب فيه، ويترك عشر دقائق.
8 - ثم ضعي طبقة مانيكير شفاف لحماية اللون من التقشر.
9 - بعد كده حسب الرغبة في رسم الأظافر بالقلوب والنجوم حسب الرغبة.

نصيحة أخيرة تقدميها لكل البنات؟
كل بنت تحاول تكون (بنوتة) في كل شيء: في لبسها.. ماكياجها.. طريقة كلامها...

وبكده يكون خلصنا لقاءنا مع "مروة حامد"

وانا بعد ازن مروة حامد انا بقول ان كل بنت
جميلة فى طبيعتها من غير ميك اب
ولا اى حاجة
وفى لقاء تانى هعرفكم ازاى تكون البنت اجمل بنت من غير اى كيماويات نهائيا

لتعديل بياناتك من هنا

فكرتينى بموضوع الدكتور احمد عن المسيخ الدجال Very Happy

لما قال فى اول الكلام حاجه وقال فى الاخر حاجه تانيه ومختلفه خالص

لتعديل بياناتك من هنا

انا هقلك دلوقتى ياهبه ازاى البنت تكون جميلة جدااااااااااا بدون اى مكياج ( دى طريقة متجربة واكيدة )

أولا : لو انتى عايزة وجهك يبقى ابيض دائما من غير اى ماسك ولا تعب ولا بهدلة تقومى تصلى الفجر كل يوم والله هتحسى بالفرق جدا هتلاقى ن وشك بينور يوم بعد يوم وبكرة هتشكرينى على النصيحة دى
ثانيا :لو عايزة شفيفك دايما جميلة ولو فيها عيب محدش اصلا يشوفة دايما متقوليش غير الصدق ومتعملسش غيرة دايما تخلى لسانك مبينطقش غير ذكر الله ميخرجش من شفايفك غير لا اله الا الله هتلاقى فرق كبير
وكفايه عليكى كدة بقى

فى احلى من كدة

لتعديل بياناتك من هنا

والله أنا رأيى ان المكياج منه لله بيخلى الواحد يشوف الواحدة على إنها قمر منور ولما يتجوزها والله من اول غسله يشوف قرد, لانه بيشوف شعر يقف زى الايريال واشكال غريبة وربنا يستر علشان ممكن يكون فى اطفال ومش عايز حد يجيله صرع منهم

لتعديل بياناتك من هنا

انا من رايى ان الجمال الحقيقى جمال الروح مش الشكل وبس طيب الميكياج بيعالج الشكل طيب والروح وبعدين اللى بتضع الميكياج عشان شخص يرتبط بيها فهى بتظلم نفسها لانه لازم يكون واخدها بمحاسنها وعيوبها

لتعديل بياناتك من هنا

شكرا ليكى يا ساره
فعلا دا حقيقى
وشكرا لمودى بيانو علشان صحى الموضوعات اللى كانت نامت
واخدت بالى من راى ساره علشان اشكرها عليه

لتعديل بياناتك من هنا

والله يا قطقوطه انا معاكى فى الرأى ده بس انتى فاهمة ان المكياج ده وما نقدرشى ننكر الحقيقة دى انه خلى البنات تقريبا كلها حلوة فعلا الجمال جمال الطباع لان كل بنت فيها لمسة جمال طبعا بس مين اللى ياخد باله منها

احنا غالبا بنشوف بنت وحشة ماشية مع ولد حلو قوى والعكس احنا لو دققنا هنعرف ان الولد الوحش ده عرف يوصل للمسة الجمال اللى فى البنت وحسسها بيها فهى بتحس ساعتها انها اسعد انسانه مع الانسان ده وانا مع الراى ده يا قطقوطة بس ماتنسيش ان المكياج برده الله يخربيته لان انا اتهريت منه والله وعن تجارب ولو حد قاللى احكى انا ممكن اقول ايه اللى حصلى

لتعديل بياناتك من هنا

وميرسى جدا يا هبه على زوقك بس اتمنى انك تردى برده وتقولى رايك فى القسم العلمى / اللغة الفرنسية علشان اعرف اعليقاتك على الشغل وتنقدى اللى انتى شايفاه مش متفق مع وجهة نظرك

لتعديل بياناتك من هنا

فعلا ياقطقوطة او ياهدى ان الجمال جمال الروح زى منتى قولتى تمام
بس المشكلة يابنتى فى الشباب اللى مش بيشوفوا غير البنت الحلوة بس من بره
مفيش حد دلوقتى بيبص لجمال الروح دة غير الانسان اللى يفهم

واحنا عايزينى نسمع حكايات مودى مع المكياج
هااااااااااااااااااااااااا
مودى دلوقتى هيحكلنا اول مغامرة مع المكياج
مستنينها

لتعديل بياناتك من هنا

عموما انا هنزل دلوقتى ولما هرجع صدقونى هحكيلكم حكايات المكياج معايا ومع زمايلى انا بس لقيت الرد وانا ما اتعدتش ان حد يقولى رايه وما اردش بس لما ارجع ان شا الله هرد

لتعديل بياناتك من هنا

ميرسى على ردك يامسيو محمد
ومستنين نسمع الحكايات

لتعديل بياناتك من هنا

والله الحكاية بسيطة جدا انا مرة كنت بدى لبنت درس البنت دى غنية جدا وعلى فكرة هى من عيلة معروفة جدا فى المنصورة علشان كده مش هقول هى مين ولا من عيلة إيه لأنهم أصحا أملاك فى المنصورة المهم كانت فى كلية اداب فى سنه 3 وطبعا الكلام ده من 3 سنين يعنى هى متخرجة بقالها سنه واحدة كنت تقريبا بشوف قمر بينى وبينكم انا كنت تقريبا بفكر ان يبقى حاجة بينى وبينها خصوصا ان هيه كان عندها قبول وعرضت عليه حاجات كتيرة امسكها فى الشركات وكده علشان بس ما علينا من الموضوع ده انا فى مرة بالصدفة كنت معدى قريب من البت وقابلتها بالصدفة كانت نازلة مش عامله شعرها ولا حطة ميك أب طبعا هى كانت من احسن البنات فى الكلية كانت جميلة فعلا والله انا شكيت ان انا شوفت واحدة تانية بس انا وقفت وكلمتها يعنى ما فيش مجال للشك وللأسف والله انا حسيت ان انا كنت بكلم قرد والله ما ببالغ ومن يوميها انا عرفت ان هو دا جزاة اللى مابيشربشى اللبن قبل ما ينام ومن يومها انا بشرب اللبن كل يوم علشان ما يحصليش كده تانى وطبعا اضربت عن الجواز هو انا مستغنى عن نفسى دا انا مش كنت هدخل دنيا دا انا كنت هدخل فى اتوبيس والله ههههههههههههههههه وللاسف اتجوزت رجل اعمال انا اتعزمت على الفرح صعب عليه الراجل لانه هيشوفها على طبيعتها فى يوم م الايام

لتعديل بياناتك من هنا

ههههههههه
قصة جامدة
واضح ان لسه فى شباب كتير بيبصوا للشكل الخارجى
لا مش لسه بقى
ده كل الشباب فعلا
ربنا يهدى شباب المسلمين

لتعديل بياناتك من هنا

والله قبل ما تدعى لشباب المسلمين ادعى للبنات الأول أن شكلهم يبقى حلو اصل بينى وبينك فى بنات بصراحة حاجة كده تصد النفس ياساتر استر يارب

لتعديل بياناتك من هنا

والله الشكل ده من عند ربنا
اتعيب على المخلوق ام على الخالق
وبعدين انا قلت ان الجمال الطبيعى بيكسب
هما بقى حبين يغيروا من الطبيعة الجميلة دى
يبقى بيخسروا كتير
وانا اكيد هدعيلم بردة
ربنا يهديهم
بس انتم كشباب يعنى اللى اعطتيلهم الفرصة لكدة
علشان بيعجبكم الشكل الخارجى احسن من الروح

أحنا طبعا المفروض نفتح قسم جديد ونقول فيه يوميات مسيو محمد

لتعديل بياناتك من هنا

والله يا سارة انا بشجعك على القسم الجديد بس من الاحسن نسميه مجلدات مسيو محمد اصل يوميات دى قليله على هو فيه

لتعديل بياناتك من هنا

معاكى حق ياقطقوطة
بما انك كمان تلميذتة اكيد تعرفى اكتر منى

لتعديل بياناتك من هنا

عندكم حق انا اعرف واحد اتجوز واحده كانت بتحط مكياج وميك اب وكده ولما شافها علي طبيعتها قال انا مش عايف انا اتجوزتها ازاي ربنا يكون في عونه

لتعديل بياناتك من هنا

دى نتيجة اللى بيبص للشكل الخارجى مش بيبص على المضمون