كيف الوصول اليك يا الله؟؟؟

لتعديل بياناتك من هنا

بسم الله الرحمن الرحيم

نبدا بعون الله اول دروس اصلاح القلوب...درس بعنوان::كيف الوصول اليك

انا هحاول في كل درس ان شاء الله اني انزله علي شكل نقط كده..

**ضرب الشيخ في اول الدرس مثل رائع..قالك لو اديناك في اول حياتك الف جينه في بدايه حياتك وطلب منك

انك تبني بيت كبير هتاخد كام سنه؟؟؟ ممكن تاخد عمرك كله وبردوا متقدرش تبني البيت ده..

فالموضوع هنا اننا سنين عمرنا صغيره جدا وقليله...ازاي نقدر نحصل فيهم علي ثمن الجنه؟؟الجنه محتاجه شغل قد ايه؟؟

بس لازم ياجماعه نحصل عليهاااااااااااا..

**الصحابه..اول لما سمعوا الكلام ده واحد منهم رمي التمرات اللي في ايده وطلع يجري علشان يوصل لربنا..

**فلازم تحس بقلبك بعظمه ربنا في كل مكان..

تعالي شوف ريشه من جناح سيدنا جبريل حمل عليها بلد وخسفها...شوفتوا ياجماعه عظمه ربنا قد ايه؟؟

من عظمه ربنا ان الجبل بيتفتت من خشيه الله..يبقي ازاي احنا قلوبنا لسه متفتتش من خشيه مولاها؟؟

ده احنا لما ننقف بين يدي الله في الصلاه ونقول الحمد لله رب العالمين يقول الله حمدني عبدي؟؟

عارفين لما انت تبقي خدام عند ملك وانت تقول للملك شكرا يقوم الملك مجمع الناس ويقولهم الخدام ده قالي شكرا..

ده طبعا مش بيحصل بس علشان تعرفوا الله عظيم قد ايه؟

**أعصاك تسترني انساك تذكرني فكيف الوصول اليك يا الله؟؟

**سيدنا محمد صلي الله عليه وسلم كان بيقول:: اللهم لك الحمد أنت نور السموات والارض ومن فيهن ولك الحمد انت قيوم

السموات والارض ومن فيهن ولك الحمد انت ملك السموات والارض ومن فيهن لا احصي ثناء عليك انت كما اثنيت علي نفسك..

**انتوا عارفين ايه هو علاج قلوبنا؟؟ اننا نسمع عن ربنا ليه الصحابه كانوا ثابتين اوي كده؟؟لان رسول الله صلي

الله عليه وسلم فضل يكلمهم عن ربنا 23 سنه..

**لو رفع عننا الغطاء وسمعنا اصوات تسبيح كل من حولنا؟؟ هنخر سجدا..والكل ليه لغه في التسبيح كل حشره لها لغه
وكل نوع طير ليه لغه..وكل سمكه ليها لغه..سبحان الله العظيم وبحمده..

**قبل بقي الانطلاق الي الطريق الي الله

لازم يبقي فيه خطوتين...اولهم اننا نفتح قلوبنا ثانيا اننا نستفتحها من خالقها..

**اول حاجه هنتكلم عنها هي عظمه قدره الله..

خلوا عندكوا يا شباب يقين ابراهيم تنبت لكم في النار جنات النعيم...لما دخل النار وقال حسبي الله وربنا انقذه منها

لو احنا حسينا بقلوبنا واستشعرنا معني ((حسبي الله)) هنحس بالكلام ده...لازم نخلي المعني ده في قلوبنا

ونستشعر عظمه ربنا فيه لان بيه هتتفير حياتنا..

**سلاح حسبي الله ونعم الوكيل..يعني كفايه انت عليا يارب..

نعم الوكيل معناها انك شفت بعنيك ايه اللي حصلك لما انت توجهت لله عز وجل..

كلمه كن اللي بيقولها ربنا..بيها خلق الكون والمجرات والجبال والانهار..الحااجات اللي بيدرسها الخلق ولسه مخلصهاش..

شوفوا ربنا قدير قد ايه واحنا غلبانين قد ايه؟؟

**احنا بنواجه الدنيا بقوته مش بضعفنا بعلمه مش بجهلناوبقدرته مش بعجزنا

ربنا خلقنا محتاجين له في كل شيء ليه؟؟علشان ندعوه ونستعين بيه في كل شيء..

علشان كده ربنا خلقنا من الطين والتراب لانه اكبر دلاله علي عجزنا..

**تاني حاجه عظمه خلق الله..

اول حاجه في القدره هي الخلق...لان ربنا أوجد كل شيء من عدم ومفيش حاجه استعصت عليه يعني مثلا..الاجهزه

الموجوده في جسم الفيل موجوده مصغره في جسم اصغر ميكروب..الحااجات اللي موجوده في المجره هي اللي موجوده في الذره..

وخلق كل شيء من غير مثيل يعني مكنوش اصلا موجودين قبل وربنا قلد الخلق ده..

**تالت حاجه عظمه هيمنه الله..

زي مثلا الراجل اللي خلي ولاده يحرقوه بعد موته ورموا رماده جزء منه في الرياح وجزء في البحر ولما ربنا قال له

قم فقام..
*فوقوا ياجماعه احنا بنهرب منه ليه؟؟وانت متقدرش تعيش من غيره والرسايل اللي ربنا بيبعتها علشان تفوق!!وبردوا

مفيش فايده فينا..

**رابع حاجه عظمه عطاء الله.

لو فتحت خزائن الله هتنبهر بكل اللي فيها

كلمه يارب لو قلتها هتتحل كل حاجه

سيدنا يونس لما قالها وهو في ظلمات ثلاث..البحر والحوت والليل؟؟

اللي هينقذه هو من يملك ناصيه كل شيء هو الله..

لما قال كلمه يارب..شوفوا ايه اللي حصل..

البحر بقي نزهه ليه..الحوت بقي غواصه تنقله للشط...والليل تحول الي نهار وربنا انبت له شجره اليقطين لتظله بها..

ناس كتير كانت قلوبهم قاسيه لانت له..الوحوش سخرت له..

من هنا سلاح كلمه يارب في كل معارك الحياه..

**خامس حاجه عظمه رحمه الله..

كرمه وحلمه علينا اربع اخماس الارض مش بيعبدوا اصلا..سبحان الله..

قصه رائعه..عبد اطاع الله 40 سنه ثم عصاه 40 سنه..وبعدين عاوز يتوب فقال يارب هل لي من توبه ان عدت اليك؟

فسمع صوت يقول::أطعتنا فقربناك وعصيتنا فأمهلناك وان عدت الينا قبلناك...

**سادس حاجه عظمه غضب الله..

كلمه واحد قالها ابليس ..لا خسر نصيبه كله وكان من اكثر الطائعين

شوفوا بقي احنا قلنا كام لا لله في حياتنا؟؟

**سبعه حاجه عظمه حساب المللك..

وقتها كل اعضائك هتفتن عليك..ساعتها بس هتعرف يعني ايه عظمت ربنا وهتندم..

الدرس كبير طبعا ياجماعه بس انا حاولت اكتب نقط بسيطه فيه جايز تلفت انتباهكم وانتوا بتسمعوا الدرس ومتبخلوش بساعه

تسمعوا لدرس جايز يفيدكم ويعينكم في طريق العوده الي الله..لان جايز اوي يوم القيامه تندم انك مسمعتهوش..

رابط الدرس::
http://www.way2allah.com/modules.php?name=Khotab&op=Detailes&khid=566