الاختلاط والعمل(بقلم واحد الله يستر عليه) منقوول

لتعديل بياناتك من هنا

الاختلاط والعمل(بقلم واحد الله يستر عليه) منقوول Hash2

الاختلاط والعمل وأمور أخرىي

تمنى بعض الرجال لو كان امرأة وموظفة حتى يحصل في عمله على إجازة حمل وإجازة وضع وإجازة رضاعة وإجازة اضطرارية وإجازة دراسية وإجازة سنوية وإجازة حج بالإضافة إلى العطل والإجازات الرسمية !!

تتناقص ( الغيرة ) بين الأزواج بشكل كبير إذا كان كلاهما موظفاً ويعمل في مكان مختلط وربما تصل المسألة إلى حد الطلاق إذا كان أحدهما يعمل في مكان مختلط والآخر لا !!

امرأة تعودت بفعل طبيعة عملها إلى التعامل مع الرجال وخاصة لو كان ذلك يتطلب منها أن تضحك وتتكلم كثيراً وتسأل وتستفسر وتقترح وتعرض و .... المهم امرأة من هذا النوع يموت الحياء والخجل الأنثوي فيها بسرعة والمرأة التي يموت فيها الخجل اغسل ايدك منها ونشفها بسرعـــــة !!

إذا أراد الرجل أن يتزوج امرأة ثانية وتناقش مع زوجته في هذا الموضوع وقال لها أن الله أباح له أن يتزوج مثنى وثلاث ورباع ستقول له على طول : أكمل الآية : فإن لم تعدلوا فواحدة .. ولن تعدلوا ... !!
ومن هذا المنطلق أقول أنا في موضوع عمل المرأة أن الله سبحانه وتعالى أوصى المرأة بأن تقر في بيتها ولا تخرج للعمل ولا تقولي سيدتي أنك ستوفقي بين الوظيفة والعمل لأنك لن توفقي !!
يقول منطقكم أن الرجل غير قادر على أن يساوي بين امرأتين في الأمور المادية ولذلك فإن نفس المنطق يقول أن المرأة لا تستطيع التوفيق بين العمل والبيت في وقت واحد !!

إذا حدث وطلب رجــــل من زوجته الموظفة أن تترك العمل فإن أول ما ستقوله له : أنا موافقة على ترك العمل ولكن بشرط ..
- ومــــا هو شرطـــك يا زوجتي الحبيبة ؟
- أن توفر لي كل طلباتي واحتياجاتــــي ؟!
- وما هـــي طلبــاتك واحتياجاتك يا عزيزتي ؟!
- سيارة وذهب وفساتين وفواتير التلفون وأجرة الصالون واحتياجات وملابس الأولاد ومصروف شهري مش أقل من 2000 درهم في الشهر !!
ملاحظة : المشكلة أن المرأة عندما تعمل فإنها لا تستطيع الإيفاء بربع ما كانت تطلبه من زوجها قبل العمـــل !!

من الجميل أن تعمل المرأة إذا كانت غير متزوجة وكانت كبيرة في السن أو كانت تربي مجموعة من الأيتام أو كانت مطلقة ولديها أطفال وتحتاج إلى راتب يساعدها في تحمل أعباء الحياة ومصاريفها ولكن أن تعمل المرأة وهي متزوجة وزوجها حالته ميسورة فتهمل زوجها وأطفالها ومسؤوليات بيتها ووظيفتها الأولى وهي ( الأمومة ) فإن هذا ضد الدعوات التحررية ذاتها التي يطلقها بعض ( المتحررون أخلاقياً ) لتحرير المرأة ...!

امرأة جميلة وفائقة الجمال تعمل موظفة وفي وظيفة مرموقة ولديها من المال الكثير والحمدلله فتبدأ يومها بالدخول إلى الحمام والاستحمام والتجميل والترتيب استعداداً للذهاب إلى العمل فتركب سيارتها وتذهب إلى العمل فتكد وتتعب المسكينة حتى الساعة الثانية والنصف ظهراً فتعود لتجد الغداء جاهزاً فتأخذ غداءها بعد أن تجلس قليلاً مع الزوج والأطفال ثم تذهب إلى النوم حتى منتصف العصر فتستيقظ وتجلس قليلاً ومن ثم تذهب إلى السوق أو لزيارة أحد الأقارب حتى ما بعد أذان العشاء فتعود إلى البيت وتأخذ طعام العشاء وتنــــــام وهذا هو السيناريو الروتيني في باقي ايام الأسبوع ... المهم علمت المسكينة أن زوجها تزوج عليها بامرأة ثانية فقالت له بعد أن أقامت الدنيا ولم تقعدها .. لماذا تزوجت ؟ قال لها باختصار : لأنني لا أراك أبداً !!

بعض النساء في العمل مثل ( ذكرالبط ) وهذه المرأة ( ما ينخاف عليها ) ولكن في الغالب فإنها لا تستمر في الوظيفة كثيراً لأنها تعض وتؤذي وربما تسبب العاهات للمتطفلين والناس اللي يحطوا أنفسهم في مواقف بايخة !!

أنت متخلف ومتحجر ومتزمت ورجعي وجاهل وإرهابي إذا كنت ضد الاختلاط ولكنك متعلم ومتفتح وواعي ومثقف وعصري إذا كنت معه .. ولكن إذا علم أي رجل أن زوجته تحمل في قلبها نوع – ولو كان قليلاًً - من الود والاحترام والتقدير ( لم أقل الحب ) لزميلها في العمل فإن جميع الرجال العرب سيتحولون إلى المذكورون في الصنف الأول !!

تأتي بعض الفتيات وخاصة خريجات الجامعة والتقنية إلى بعض الوظائف الحكومية فيضع الرجال عليهن كل الشغل وبالأخص الأعمال الشاقة المتعبة مستغلين عدم فهم الفتيات للعمل بحكم قلة الخبرة والرغبة في الحصول على رضا وثقة المسؤولين واعتقاداً منهن أن كثرة العمل وعدم أخذ إجازات وأذونات كثيرة هو الطريق الوحيد نحو الترقي والوصول إلى أعلى المناصب !!

يتمنى بعض الرجال لو كان الشيطان الملعون هو رئيسه في العمل على أن تكون امرأة من تشغل هذا المنصب حيث يرى ساعتها أن الشيطان رجل ولكنه شرير وملعون ولا بأس في إذلال النفس أمام رجل ولكن هل يصل الوضع بي أن أذل نفسي أمام النساء أيضاً ... هذا صعب جداً يا سيدتي؟؟!!

من الملاحظ أنه عندما يقوم الشباب في الجامعة بتسجيل المساقات الدراسية فإنهم يتسابقون إلى التسجيل في المساقات التي تطرحها ( الدكتورات ) والعكس هو الصحيح عند البنات ، أي أن البنات يتسابقن للتسجيل في المساقات التي يطرحها الدكاترة الرجال .... ربما يستخدم الطالب أدوات أخرى للتفكير غير عقله إذا كان المدرس من جنس مختلف !!

تعتقد بعض النساء أن ( الزميل ) في العمل هو أحد المحارم لأنه مثل الأخ غير الشقيق بينما يعتقد بعض الرجال أن ( الزميلة في العمل ) مثل الزوجة ولكنها حرام عليه حتى تتطلق من زوجها أو حتى توافق على الزواج منه – إذا كانت آنسة - بالسر دون معرفة زوجته الأولى !!

سؤال فني : لماذا يغار بعض الرجال إذا جاء موظف من قسم آخر وأخذ يتكلم ويضحك مع الزميلة الموجودة في قسمه هو ... وبالنسبة للمرأة لماذا تغار إذا أتت موظفة من قسم آخر وأخذت تتكلم مع أحد الموظفين الموجودين في قسمها هي ... ألم أقل لكم أن المسألة فيها ( إن ) ؟!؟

إذا تزوج الرجل من زميلته في العمل فإن المنزل سيتحول إلى أنسب مكان للحش والغيبة في فلان وفلانة ( زملاء العمل الآخرين ) كما أن بعض الأعمال المتأخرة ستكون بمثابة واجبات منزلية !!

لا أدري ما هو السبب الذي يجعل الكثير من الجامعات والمعاهد الغير مختلطة تقوم باختيار هيئة تدريس نسائية للشباب وفي نفس الوقت تختار هيئة تدريس رجالية للبنات ... هذا يذكرني بمجموعة من الأصدقاء في الجامعة والذين كانوا يتعمدون وضع مسّاحة السبورة على الأرض لأن الدكتورة كانت ترتدي دائماً بلوزة واسعة الحلق فإذا حنت ظهرها لتلتقط المسّـاحة توجهت كل الأنظار إليها !!

بعض النساء العاملات لا تتجرأ أي واحدة منهن أن تخبر زوجها عن أي موقف يحدث لها في العمل أو اي مضايقة أو معاكسة تجدها من أحد زملائها في العمل .. حتى لا يتسبب ذلك في جعل زوجها يمنعها من مواصلة العمل !!

من الرائع أن تكون مديراً لأحد الأقسام في أحد الدوائر الحكومية ومن الجميل أن يكون في هذا القسم مجموعة لا بأس بها من الموظفات ومن الغريب أن تكون كل واحدة منهن أحلى من الأخرى ولكن يبقى الأجمل من هذا كله أن تمنع كل موظفي القسم من الدخول إلى مكتب الموظفات وتجعل صلاحية الدخول لك أنت فقط !!

الكثير من الرجال يقفون مع الاختلاط بشرط أن لا الزوجة أو الأخت في مهنة تتطلب الاختلاط والكثير من النساء يرغبن بوجود زميل في العمل وخصوصاً إذا كان الزوج له زميلات في العمل !!

قد يحل الاختلاط في العمل بعض المشاكل الاجتماعية مثل مشكلة العنوسة حيث تكون أمام العانس فرصة أكبر للزواج وخصوصاً إذا كانت تعمل في بعض الأماكن مثل الاستقبال ، شؤون العملاء ، قسم المبيعات ، العلاقات العامة أو حتى سكرتيرة ، إعلامية ، ممرضة ، عاملة بدالة ( مرات الصوت يغطي على الشكل !! ) ..

عندما تقول لأحد الرجال : كيف تسمح لزوجتك بالعمل مع الرجال وهي ترتدي ملابس غير محتشمة أو وهي جميلة وعيون الجميع عليها ... ترى الرجل يقول لك بسرعة : أهم شيء الثقـــــــــــة !!
ملاحظة : هذا الزوج تناسى وجود الشيطان والنفس الأمارة بالسوء وظروف العمل والغريزة الإنسانية وتناسى أن الإنسان معرض للخطأ وتناسى أن كل رجل يظل ينظر إلى كل امرأة وكأنه ذئب جائع يراقب فريسته وتناسى أن زوجته ربما توسوس لها نفسها أو يوسوس لها شيطانها بشيء لا يعلمه الزوج إلا بعد فوات الأوان .. عندها يكتشف ضياع الثقة !!

كيف نستطيع أن نصنع اختلاطاً بين الرجال والنساء في مجال العمل – على سبيل المثال – ونحن نعلم تماماً أن الرجل لا يفكر إلا في إشباع شيئين اثنين هما غريزته وبطنه كما أن المرأة لا تفكر إلا في شيئين اثنين هما قلبها وجمالها ونظرة الناس لها !!

بعد دخول المرأة إلى سوق العمل وامتهانها للكثير من الوظائف أصبح بعض الرجال أكثر إنتاجية من ذي قبل وقلت عمليات ( الهروب والتسرب ) من العمل أثناء ساعات الدوام الرسمي وأصبح بعض الموظفين يهتمون بكل صغيرة وكبيرة في العمل ويسألون زميلاتهم في العمل عن كل شيء حتى ولو لم يكن يرى بالعين المجردة .. طبعاً العمل عبادة !!

بقلم واحد الله يستــر عليه

لتعديل بياناتك من هنا

أنا شايف أن الست تقعد فى البيت وبلاش تخرج من البيت اكرملها والله

لتعديل بياناتك من هنا

والله لو جينا نشوف أى ست قاعدة فى البيت وقارنا بينها هى وواحدة تانية بتشتغل لازم وتلاقى تقصير فعلا من الست اللى بتشتغل

ما هو ماتقنعنيش ان صاحب بالين مش كداب مش ممكن

وبعدين حاجة بالعقل التركيز فى شئ واحد ولا التركير فى حاجتين

اعتقد ان كلامى ده ممكن يضايق الستات او البنات منى لكن للأسف دى حقيقة

لتعديل بياناتك من هنا

لا مش هيضايقهم انا حطيت الموضوع في كذا منتدي وده كان راي البنات برضو لسه فيه ستات كتير فخورين بدورهم كزوجات وامهات وده بيسد فتن كتيرة جدا كلنا عارفينها

لتعديل بياناتك من هنا

والله ربنا يكتر من أمثال البنات والستات دى دا احنا الصبيان غلابة معاهم والله هههههههههههههههههه, على فكرة يا دكتور احمد انا بحييك على موضوعاتك الشيقة وعلى ترتيب أفكارك واوعدك انك هتلاقى ردودى على كل موضوعاتك ان شاء الله

لتعديل بياناتك من هنا

انا شايفة انكم عايزين تقعدوا الستات فى البيت علشان الشباب يلاقى شغل
وده من حقهم وياريت والله ينزل قرار يمنع عمل المرأة
مع العلم انى من انصار العمل جدا للبنت

لتعديل بياناتك من هنا

مش عشان الشباب يلاقوا شغل وبس دي اهم حاجه طبعا بس برضو عشان الستات يرجعلوا يخدوا بالهم من بيوتهم ويرجعوا يربوا ولادهم ويقفلوا باب الفتن اللي نتجت عن الاختلاط واهم حاجه يحقووا سنة نبيهم اللي اكيد ليها اهداف نعرفها واهداف منعرفهاش

لتعديل بياناتك من هنا

مش عارفه ازاىيا ساره من انصار العمل وبتقولى ياريت ينزل قرار يقعدو بيه الست فى البيت
هو صحيح دور الست كزوجه وام عظيم
بس دا ميمنعش انها ممكن تتحط فى مواقف تخليها تنزل للشغل
احتيجها للمال مثلا
او انها تورث تجاره زى السيده خديجه مثلا
على فكره فى رجال تانين من انصار عمل المراءه وبيقولوا
ان الست اللى بتقعد فى البيت مخها بيبقى فاضى ومعندهاش شغلانه غير جوزها
انتوا طبعا فاهمين ان الست لما تهتم بجوزها دا شيئ عظيم
ممكن بس فى اغلب الاحيان بيبقى عكننه علشان بتشوف كل صغيره وكبيره ومستنيه منه يعطيها اغلب وقته زى ما هى بتعمل
ودا طبعا مش هيحصل لان اولا مش طبع الراجل وثانيا هو مش فاضى

لتعديل بياناتك من هنا

هبة انتي كده بتبصي للموضوع من وجهة نظر ان الست تشتغل عشان مخها ميبقاش فاضي مع ان النساء ايام الرسول مخهم مكنش فاضي وطبعا الرجاله عايزين الست تنزل تشتغل اولا عشان تجبلهم فلوس ثانيا عشان اللي انتي قولتيه متدققش علي كل حاجه ويعمل اللي هو عايزه براحته وادينا جربنا عمل المراه وشوفنا النتايج جيل طالع مش عارف اي حاجه عن دينه ولا عن الاخلاق وبيعاملوا امهاتهم بمنتهي الجفاء لانها بالنسبالهم بتنزل الشغل تجيب الفلوس وتيجي تاكلنا وبس اللي بتشتغل دي بتربي امتي وبتعلم امتي وبتهتم ببيتها ازاي مين في الدنيا دي يقدر يقوم بعملين عمل منهم صعب جدا وشاق جدا علي اكمل وجه لازم هيحصل تقصير وانا هنا افتكر ست في جامعة القاهره اخرتني عشان تخلص ورقي اكتر من ربع ساعه عشان كانت بتقطع فاصوليا ... وعجبي واكيد مفكرني بتريق

انا هنا افتكر ايه كريمة الشيخ الشعراوي كان زكرها في موضوع عمل المراه
(والليل اذا يغشي والنهار اذا تجلي وما خلق الذكر والانثي ان سعيكم لشتي) صدق الله العظيم
الليل والنهار زمان ربنا سبحنه وتعالي ذكر وظيفه الليل وذكر وظيفة النهار وشبههم بالانسان(ذكر وانثي) وقال ان سعيكم لشتي اي ان عملكم مختلف مثل الليل والنهار

لتعديل بياناتك من هنا

على فكره بالرغم من اختلافنا الدائم
الا انى مبسوطه اننا بنعرض وجهات نظر مختلفه
اعتقد ان كل واحد فينا مش غلط واننا احنا الاتنين صح
انا امى بتشتغل وببقى مبسوطه قوى لما بتغيب يومين ورا بعض
بس انا حواليا كل الناس اللى امهاتهم مش بتشتغل
بحس انى مستواى الفكرى انضج منهم
لانى امى اللى بتشتغل دى بعرف منها ازاى اتعامل مع الناس واحيانا بعرف طبيعة شغلها وبقدر افيد ناس فى مجال التامينات
بس انا عملت مسح للشارع بتاعنا على سبيل المثال
لقيت ان الستات فيه3انواع ستات غير متعلمات ومش بيشتغلوا وغالبا ولادهم متعلمين تعليم متوسط ومستنين العدل
وستات متعلمات ومش بيشتغلوا وبرده ولادهم اقل تطلع للمستقبل من ولاد النوع التالت من الستات
المتعلمات الللى يشتغلوا
على الرغم انهم بيقضوا اكتر من ست ساعات بره البيت
لكن العبره مش بالوقت اللى بتقضيه العبره انى اتعلم من شخصيتها
ولو اخدت علم نفس هتعرف ان الطفل مبيجيش ابداء بمبداء التوجيه ولكن اول حاجه بيعملها فى حياته التقليد
انا بدافع عن مثل حى امى بجد مقصرتش فى اى حاجه فى حياتها
موظفه وست بيت درجه اولى وام من الطراز الفريد
يارب اعرف اكون ربعها

احب اضيف كمان انى قبل مااتجوز كنت ضد عمل المرءه بشده
ولمااتجوزت عرفت انى قوه واحسن ما اكون قوه مدمره للمجتمع اكون قوه نافعه
وانا بعترف دلوقتى ان لو كان فى حاجه شغلانى عن الاسبوت اللى انا عملاه على جوزى
يمكن حياتى كانت بقت افضل

لتعديل بياناتك من هنا

نسيت اعلق على الايه الكريمه
(ان سعيكم لشتى)
ومستغربه جدا ان تفسير الشيخ الشعراوى يكون ان سعيكم لشتى معناها
ان فى اختلاف بين وظائف الست والراجل
تفسيرها فى كل كتب التفاسير اللى عندى بيدور حوالين معنين
سعيكم لشتى معناها ان ربنا خلق لكل واحد دور فى الحياه علشان تبقى منظومه متكامله
وطبعا ربنا مقلش فى ولا ايه نوع عمل المراءه ونوع عمل الرجل
واللى الرجل الشرقى بيرفض النهرده يعمله انه يساعد زوجته فى عمل البيت
كان سيد الخلق عليه الصلاة والسلام بيعمله مع زوجاته
المعنى التانى ان سعيكم لشتى عمل اهل الجنه مختلف عن عمل اهل النار
والله اعلم

لتعديل بياناتك من هنا

انا مش محتاج ارد لانك رديتي علي نفسك بتقولي اللي امهاتهم مش بيشتغلوا مش بيفكروا في المستقبل طبعا تقصدي العمل وكل اللي بيفكروا فيه يكونوا اسرة وهيا دي الطبيعه اللي ربنا خلق المراه عشانها تاني حاجه انتي بتقولي ربنا قال ان الرجل له عمل مختلف عن عمل المراه والعملين بيكملوا بعض بس محددش ايه هو عمل الراجل وايه هو عمل المراه طبعا انتي غلطانه لان ربنا حدد سبحنه وتعالي بيقول ( وقرن في بيوتكن) والرسول عليه الصلاة والسلام بيقول ( والمراه راعية في بيت زوجها ومسؤلة عن رعيتها) واذا كان الرسول عليه الصلاه والسلام قال في صلاة المراه في المسجد ( وبيوتهن خير لهن) وايضا في التعلم فما بالك بالعمل اللذي سيؤثر بالطبع علي عملها الاساسي

لتعديل بياناتك من هنا

ماتقعدى فى البيت يا هبه وتسكتى هو لازم تشتغلى يعنى وتتعبى نفسك ولا ايه

لتعديل بياناتك من هنا

اكيد لازم تشتغل امال اللي بتعمله ماما سوزان ده كله يروح هدر ويضيعوا حقوق المراه المظلومة :(

لتعديل بياناتك من هنا

اناقولت قبل كدة انى بحب الشغل جدا
وبحب شغلى وبحب افضل مستمرة فيه
بس .....لوشائت الظروف واضطريت اقعد فى البيت علشان اكون ست بيت بس
مش هيبقى فيه مشكلة عندى
وانا مع راى هبه جدا لانى انا كمان امى امرأة عاملة وست بيت شاطرة جدا
وعمرها مقصرت فى بيتها أو فى شغل بيتها
أظن انى انا كمان ممكن اكون زيها لانى اتربيت على ايديها
وانا فعلا شفت مامت هبه وهى فعلا انسانة ناجحة جدا سواء فى شغلها او
فى بيتها
فبدام ان الزوج مش ناقصة شئ او شغلة الست بتاعته مش بيقصر عليه ولا على بيته
واولادة يبقى ميخليهاش تقعد
والست اللى متقدرش توفق بين بيتها وزوجها يبقى لازم تقعد فى بيتها احسن

لتعديل بياناتك من هنا

انا بقول دلوقتي مثلا المفروض تدي بيتها مثلا عشر ساعات اشتغلت خمسة يبقي مقصرتش في بيتها ازاي ده السؤال
وعشان نقفل الموضوع ده شوفو الراجل اتخلق ازاي والست اتخلفت ازاي الراجل اتخلق من الطين والست اتخلقت من ضلعه ولما سيدنا ادم سال حواء لم خلقت قالتله لاكون سكننا لك هيا دي الوظيفه اللي ربنا خلقها عشانها وشوفي طبيعه جسم الرجل وطبيعة جسم المراه تعرفي ربنا خلق جسم الراجل كده عشان يقوم بوظيفته اللي خلقه عشانها وخلق جسم المراه كده عشان الوظيفة اللي خلقها عشانها

وانا عايزك تلاحظي ست وهيا راجعه من شغلها شكلها بيبقي عامل ازاي من التعب والراجل بيبقي عامل ازاي لانها متخلقتش عشان كده وعلي فكرة معظم الرجالة مع عمل المراه لانه منفعه ليهم في الاخر ولو كان الاسلام قال ان المراه المفروض تعمل كنتو دلوقتي هتبقوا مع حق المراه في عدم العمل

لتعديل بياناتك من هنا

[quote="dr_ahmed_akl"]اكيد لازم تشتغل امال اللي بتعمله ماما سوزان ده كله يروح هدر ويضيعوا حقوق المراه المظلومة :([/

والله يا مسيو محمد انا فعلا لسه مش بشتغل وقاعده فى البيت
بس كنت فكرت فى مشروع كدا انى افتح مستوصف وانا عندى خبره فى الصيدله مع مجموعه دكاتره بنات ودكتور راجل واحد بس
بس للاسف بعد ما اقنعنا بالمستوصف طلع من انصار قعاد المرأه فى البيت
لكن انا طبعا لان من حقى انى اشتغل نويت اشتغل فى مهنتى اللى درست علشانها سنين طويله من عمرى
ودا طبعا مش بس علشان اتعلمت علشان اوصلها سنين طويله بس
ولا علشان الفلوس بس
queen

اهم حاجه انى اشتغل علشان ميضعش مجهود ماما سوزان هدر

لتعديل بياناتك من هنا

سنين طويييله هو انتي دخلتي الجامعه في عهد الملك فاروق

لتعديل بياناتك من هنا

هو انا دخلت الجامعه كدا على طول
دانا متطوره قوى على كدا

لتعديل بياناتك من هنا

والله يا هبه روحى أقعدى احسن فى البيت بلاوجع دماغ.

المهم ياجماعة أنا شايف أن من الفضل فعلا ان الست تقعد فى البيت وبلاش البنات يقارنوا نفسهم ببتوع زمان لان الست زمان كانت مصنوعة من الخرسانه المسلحة رمل وأسمنت وزلط أنما الست بتاعت اليومين دول واخده بالك ياهبه انتى وسارة وهدى مصنوعة من الورق فماينفعشى المقارنه فى أية حال.

لتعديل بياناتك من هنا

والله يامسيو الستات بتوع زمان دول اللى مبنين من الخرسانة هما امهات لينا واحنا
اتربينا على ايديهم
وبعدين انا واحدة بشتغل وبشتغل حوالى من 3 الى 4 ساعات فى اليوم
وسعات كتير من كل يوم بردة علشان الكدب حرام
ببقى مسكة شغل البيت كله من تنظيف وطبيخ وكل حاجة
يعنى حتى لو بقيت مسؤلة عن بيت لوحدى اكيد هقدر اكون قد المسؤليه دى
واكيد اقدر اشيل مسؤلية اتنين بس
مش مسؤلية عيلة كاملة ذى دلوقتى
واظن هبه كمان تقدر تشيل مسئولية جيش بحالة
وهى كمان شغالة

» تم بحمد الله تدشين موقع رسول الله صلى الله عليه وآله وسلم والموقع باللغتين العربية والإنجليزية
» معجزات رسول الله صلي الله عليه وسلم مع علامات الساعة
» حديث ابليس مع رسول الله (صلي الله عليه وسلم)
» وصف وصفات رسول الله (صلي الله عليه وسلم)
» سجل حضورك اليومى بالصلاة والسلام على حبيبنا ونبينا محمد (صلى الله عليه وسلم)