ماهو الحل المناسب؟

لتعديل بياناتك من هنا

ما الحل المناسب لوان كنت فتاة
ترى من تحبين؟؟
وهل مجتمعنا سيسمح لك بالتصريح بحبك
حتما....لاااااااااااااا
وبالتأكيد..كل رجل يستنقص المرأه التى تسعىاليه
هذا الواقع.....ولا للتكذيب
ولا يليق بصاحبةالحجاب والحياء أن تفعله
ولكن ان كان على خلق ودين؟؟
انكنت ناضجة...وهناك وسيطا عاقلا.وأمينا..يشير عليه بخطبتك
دون أن يصرح أنك أنت المرسله
فهوحل سليم
ولكن
هل سيقبل...؟؟؟وهل ان عرف أنك عرضت نفسك عليه ليخطبك
لن تكون سببا فى ألم بعدحين
عندما تكونى أما وزوجه...فى بيته....ويقولها لك
أنت من سعيت الى
أوربما قالها فى نفسه.

لتعديل بياناتك من هنا

انا رأيى ان الراجل اللى بيفهم فعلا ياخد اللى بتحبه خصوصا ان البنت لما بتحب بيبقى الحب هو كل حياتها والبنت لما بتحب فعلا بتخلص للى بتحبه وبجد نصيحتى لأى شاب البنت لو بتحبك فعلا يبقى كده مامتك او امك زى ما بتقولوها يعنى تبقى داعيالك لكن للاسف انتم فاهمين ان ممكن الحاجة الحلوة تبقى ادامنا بس ربنا يعمينا عنها لحكمة هو يعلمها وربنا يستر فى الايام اللى جاية بس انا ملخص كلامى يا سعده ياهناه اللى ياخد واحدة بتحبه

لتعديل بياناتك من هنا

يعنى لو فى واحده بتحبك وانت عينك على واحده تانيه هتتجوزها لمجرد انها بتحبك وافرض فى كتير بيحبوك هتعمل ايه واللى بتحبك دى لو صرحتلك مش هتنزلها من نظرك

لتعديل بياناتك من هنا

قطقوطه كتب:

يعنى لو فى واحده بتحبك وانت عينك على واحده تانيه هتتجوزها لمجرد انها بتحبك وافرض فى كتير بيحبوك هتعمل ايه واللى بتحبك دى لو صرحتلك مش هتنزلها من نظرك

لوبتسالى فى مشكلة عامة يبقى صدقينى فى الغالب الولد ممكن ينزل البنت من نظره دا للامانه

اما لو بتسالينى انا شخصيا فانا مش هعمل نفسى مثالى لكن هقولك الحقيقة بصراحة انا لو عارف ان فى بنت بتحبنى عمرى ما هنزلها من نظرى لان انا مش مجنون وعارف ان الحب ده من عند ربنا انما اللى ما اقدرشى اجزم بيه هو ان انا هتجوزها او لأ لأن الموضوع متوقف على الظروف بمعنى ان انا مقتنع جدا بان لازم يبقى فى تكافؤ فى الزواج طبعا لكن صدقينى يا قطقوطة هانم أنا مش مجنون علشان انزل واحدة بتحبنى من نظرى والا كنت نزلت مامتى وبابايا من نظرى من زمان واعتقد ان دا ماينفعشى وعلى فكرة انا ممكن احكى حكاية سريعة استمرت معايا انا شخصيا حوالى أربع سنين واللى يعرف الموضوع ده هبه لانها كانت صديقتى فى الكلية فى الايام دى.

الموضوع باختصار ان كان فى بنت اسمها حنان من الاسماعيلية ابوها طيار وبنت عيلة يعنى المهم صرحتلى بحبها وانا بصراحة ما كنتش بحبها وهى كانت عارفه كده كويس بس اللى الناس ما تعرفوش لكن هبه تعرفه وحنان نفسها كانت تعرفه ان انا كنت هتجوز حنان دى لمجرد انها كانت بتحبنى ما هو انا فكرت بنت بتحبنى وبتموت فيه ما اتجوزهاش ليه وعمر ما كنت هفرط فيها لكن انا طول عمرى صريح انا كنت هتجوزها وهى عارفه كده لانها بتحبنى وانا كنت دايما على لسانى الكلمة دى ( انا بحترم فيكى ياحنان حبك ليه وخوفك عليه) وهى كانت بنت مؤدبة جدا المهم ان الموضوع اتفشكل ليييييييييييييييه؟؟؟؟؟ طبعا الاجابة انها لما دخلت كلية فى الاسكندرية عرفت شباب وبدات تقوللى ما تيجى تقابلنى فى الاسكندرية وكده بدات تتباهى أدامى انها تعرف صبيان وبدات تتغير للأسف والتغيير هنا مش فى المظهر التغيير كان فى الجوهر وطبعا انا اعى تماما ما اقول انا الحمد لله بعرف اشغل مخى كويس فى كل حاجة وخصوصا ان انا فى موضوع العاطفة دى عاقل جدا جدا جدا مش اهوج يعنى.

طبعا ياجماعة السبب الرئيسى لان انا كنت هتجوز حنان حبها ليه وطيبتها لكن لما دول يتغيروا يبقى انا هاخدها على ايه وهظلم نفسى معاها ليه بقه وعلى فكرة قبل ما انهى كلامى انا ما كنشى عندى استعداد ان اخليها تكدب لدرجة انى طلبت من مامتها انها تعرف علشان اعودها دايما انها تتكلم فى النور مش فى الظلام يعنى مامتها كانت عارفه وانا كلمتها والله والله والله انا فى خلال الاربع سنين اللى عرفتها فيهم ماشفتهاش الا حوالى أربع مرات منهم المرة الأولى اللى ماكلمتهاش فيها وده لسبب ان انا كنت عايز ابقى مشتاق ليها فيبقى عندى الرغبة فى الزواج منها وعمرى ما مسكت ايديها ولا سلمت عليها مش علشان انا ما كنتش اعرف اعمل كده لا والله كنت اقدر ونص بس انا كنت ببرمجها على ان فى حاجة اسمها صح وحاجة اسمها غلط وفى اصول لازم نراعيها وكانت كويسه لكن للأسف اتغيرت جدا جدا جدا ودا السبب اللى خلانى سبتها ودى تجربة شخصية جدا وما يعرفهاش فعلا الا اقرب الناس ليه. وعلى فكرة انا فى خلال الاربع سنين دول كنت بحترم غيابها يعنى عمرى ما حاولت اعرف بنت ولا الكلام ده خالص ومش عايز حد يقوللى انت تضمن منين انها كانت بتعمل زيك فهرد وأقول ان لما الواحد يثق فى واحد صاحبة ويعرف انه مخلص فمش بديهى انه يخونه فما بالكم بخالق الخلق اللى قال (الطيبون للطيبات والخبيثون للخبيثات) وطبعا انا مؤمن ان كلامك الدين بتاعنا صح مليون فى المية وعشلا كده انا كنت بحترم نفسى علشان ربنا يعوضنى بامتناعى عن الكلام اللى بيغضبة بواحدة يكون ربنا راضى عنها لان الهدف الرئيسى للجواز واللى يعرف اصحابى عنى ان الجواز بالنسبة ليه مش غاية انما هو وسيلة للوصول إلى غاية او هدف والغاية بالنسبة ليه او الهدف هو الجنة فمين البنت اللى هتعينى على انى ادخل الجنه واكون انا نفسى سند ليها يخليها تطيع ربنا فندخل الجنة مع بعض.

لتعديل بياناتك من هنا

بعد اذنك طبعا يامسيو محمد
مش رجالة زى بعض وكان فى موضوع هنا فى المنتدى بردة بيناقش المشكلة دى
وقلنا ان اى ولد عرف ان البنت دى بتحبة او صرحت ليه بحبها ده هتنزل من نظرة طبعا
وطبعا البنت اللى بتبقى معززة نفسها دى بتبقى احسن بكتير
وبتلاقى الولد ده بيجرى وراها
وزى مبيقولوا يعنى فى الامثال (( التقل صنعة ))

انا اخدت بالى انك صرحت انك مشفتش حنان غير 4 مرات فى اربع سنين
يعنى ايه كل سنة مرة
وهى كانت بتحبك ازاى بالاسلكى يعنى
على العموم جايز..... جايز.......
انك عاقل زيادة ن اللزوم انك ترنبط بواحدة بتحبك بس من غير متبدا انت تحبها
على الرغم من انك رجل المفروض الخطوة بتاعتك تكون عكس كدة

وبقول كمان مش ك الرجاله كدة

لتعديل بياناتك من هنا

على الرغم انك زى ما قولت انا كنت عارفه تفاصيل فى الموضوع
الا انك المره دى شرحت فيها وجهة نظرك على اللى انا كنت بستغربه
انك بترفض تقابلها مع انك مبتفكرش فى حد غيرها
اللى كان بينهم ياساره تليفون
وفعلا مامتها ومامته واخواته كانوا عارفين كل حاجه
بس رد النهرده يا مسيو على انك كنت بتربيها وبتفكر فى تصرفاتك قبل ما تعملها
ومكنش فى دماغك زى شباب كتير انك تعيش اللحظه
وانك كنت بتخاف عليها
اسمحلى ارفع لك الشابو
انت بجد متربى queen

لتعديل بياناتك من هنا

طبعا هو اكيد انسان متربى وانا عارفة كدة بس انا مستغربة من كونه شاب شرقى زى اى حد
وممكن يقبل واحدة هى اللى بتحبه
مع ان المفروض العكس

لتعديل بياناتك من هنا

برافو عليك مسيو محمد هو المفروض ان البنت ماتتكلمش والراجل هو اللي ياخد الخطوة دي بس طالما هيا عملت ده في حدود الادب والاخلاق وهو مقتنع باخلاقها يبقي مفيش مشكلة حلوة فكرة ان كل اللي كان بينهم تلفونات بس انا ان شاء الله ناوي اعمل كده

لتعديل بياناتك من هنا

انا اتكلمت فى الموضوع دا قبل كدا بس بعنوان تانى
وكان فيه اعتراضات كتير من ناس كتير
ان الست لو حبت حد ممكن تصرحله وانا شفت دا بعنيا فى حالات ناجحه جدا
وعندى مثل (السيده خديجه رضى الله عنها وارضاها هى اللى بعتت صديقتها لسيدنا محمد
عليه افضل الصلاة والسلام)وفى الامثال بيقولوا اخطب لبنتك ولا تخطبش لابنك

لتعديل بياناتك من هنا

طبعا أنا بشكر سارة على زوقها وردها الجميل وطبعا بشكر هبه برده على مجاملتها اللطيفة وما انساش ان اشكر دكتور احمد على كلامه الكويس وانصحه بانه مايصدقشى حد فى التليفونات أصل الصوت ساعات مابيدلش على الشكا إطلاقا واسألونى انا بقه فى الموضوع ده بس علشان ما اخرجشى من اللى انا بقوله انا هرد الاول على سارة علشان اوضح الرؤية واقولكم الحكاية بتاعتى مع التليفون.

بصى ياسارة انا ما قولتش ان الرجالة كلهم زى بعضهم ولا قولت للبنات انها تصرح بحبها للراجل انا كلامى كان واضح أن الراجل اللى بيفهم ودول قليلين جدا بس الحمد لله انا واحد منهم فانا بنصح الرجالة اللى بتفهم دى وبقولهم ان مامتك تبقى دعيالك لو اللى انت ارتبطت بيها دى كانت بتحبك دا مرد كلامى لأن فعلا يبقى محظوظ اللى يتجوز واحدة بتحبه.

اما بقه عن موضوع التليفونات فدى كانت حكاية منيلة بستين نيلة ليه بقه كان فى بنت عرفتها من على النت من حوالى 6 أو 7 سنين مش فاكر بالظبط كان اسمها هبه وكانت من طنطا وكان فى واحدة صاحبتها اسمها اميرة وانا بكلمها اخدت التليفون بتاعها وكده وكلمتها المهم اتفقنا ان احنا نتقابل فى طنطا فى محطة القطار بالفعل احنا ركنا العربية بتاعت صاحبى اللى اسمه احمد ودخلنا فشوفنا استراحة البنات بامانه ماشفناش البنتين فوقفنا بالظبط 5 ثرانى لقينا خير اللهم أجعله خير برملين واقفين قدامنا بيقوللنا انت محمد وانت احمد طبعا انا كان فيه عادة تضحك ان لما الاقى بنت وحشة تقولى انت محمد استهبل واقول لا مش انا ههههههههههه المهم قولتلهم انتم فالنه وفلانه قالولى اه انا الخبر وقع عليه كالصاعقة فبشكل تلقائى قولتلهم استنوا هنا وانا هروح الحمام وأرجع صاحبى طبعا من الصدمة قاللى انا هستنى هنا قولتله ل انت هتيجى معايا انا خرجت انا وهو من المحطة بنجرى وركبنا العربية وبعد نص ساعة كلمونى على الموبايل بيقولولى انت مش جاى رديت والله بنفس اللفظ دا انتم أسوأ بنات انا شوفتهم فى حياتى ويالله يا بنت الـ تيت تيت انتى وهيه وامسحى رقمى يا بنت الـ تيت تيت طبعا اللى غاظنى اكتر انها بتقولى يعنى كده تسبونا واقفين فى المحطة والشباب عمال يعاكسنا وما تقولوش ان انتم راجعين فطبعا عرفت انهم كانوا كمان متخلفين عقليا يعنى مش وحشين وبس وطبعا دى مشكلة النت والتليفون لان البنت كان صوتها صوت ملائكى والله انا روحت لقيت بجد وبلا مبالغة فنطاسين او برميلين والله والاتنين أسود من بعض تقريبا كاناو شاربين كبايتين بلك قبل ما ييجوا.

فنصيحتى لأى شاب هيشوف بنت مجرد انه كلمها فى التليفون مايصدقشى الصوت لأنه وهم كبير قوى قوى قوى.

لتعديل بياناتك من هنا

هاهاهاها هههههههههههههههههه
انت بصراحة ضحكتنى يامسيو محمد
كل مرة تحكى فى حكاية ليك بتكون اسوا من اللى قبلها

وياريت فعلا الشباب يعملوا بالنصيحة دى
لا يصدقوا بنت عرفوها من النت
ولا من التيليفون

» كيف تختارين معجون الأسنان المناسب لك؟
» السلام عليكم.. أتمنى أن أجد لديكم الحل بعد الاستعانة بالله..