10 خطوات...

لتعديل بياناتك من هنا · موضوع: 10 خطوات... السبت أغسطس 16, 2008 1:32 pm

10 خطوات...
للشراء في الأوكازيونات !!

بدأ الأوكازيون الصيفي في معظم المحلات.. وفيه بعض المحلات الأوكازيون بيوصل فيها لـ 70%، وأنا شخصياً باشتري كل هدومي في الأوكازيون. وعشان كده هنتكلم النهارده مع بعض عن أهم 10 خطوات للشراء في الأوكازيون؟!

10 خطوات... Kamar_10

وعشان كده هنتكلم النهارده مع بعض عن أهم 10 خطوات للشراء في الأوكازيون؟!

أولا:
اشتري في الأوكازيون.. لكن اتفرج الأول
10 خطوات... Kamar_11

أكيد كلنا بننزل في بداية الموسم نتفرج على المحلات فيها إيه، وأكيد فيه حاجات بتشدنا وبتكون أسعارها غالية ومابنقدرش نشتريها.. ساعتها لازم نفتكر اسم المحل ومكانه فين ونستنى لغاية الأوكازيون لما ييجي ونروح نشوف نشتري الحاجة دي؛ لأن للأسف في مصر فيه بعض المحلات، خصوصاً في وسط البلد عندها خط إنتاج اسمه "الأوكازيون"، وده بيعتمد في موديلاته على خامات أقل في الجودة، وبالتالي بيكون أقل في التكلفة، وعشان كده سعره بينزل مش عشان هو كان غالي ونزل عليه الأوكازيون.

ثانيا:
اشتري اللي ناقص بس
10 خطوات... Kamar_12

حالياً احنا في نهاية فصل الصيف فبديهي أن الهدوم الموجودة في المحلات هدوم صيفي، وعشان كده هنشوف إيه اللي ناقص في دولابنا الصيفي وعلى أساسه هنحدد أولوياتنا في الشراء، وبلاش نشتري اى حاجة لمجرد إن سعرها مناسب حتى لو مش هتضيف لينا كتير.

ثالثا:
ابعد عن الألوان الموضة
10 خطوات... Kamar_13

لأن الأوكازيون بيكون في آخر الموسم فلازم اختيار الألوان في أي قطعة من الملابس نحاول تكون الألوان حيادية زي الأبيض والأسود والبيج والبني والرصاصي، ونبعد عن الألوان اللي معروف إنها موضة السنة دي على سبيل المثال شتاء 2007-2008 اللون البنفسجي الغامق هو الموضة فنبعد عنه تماماً؛ لأننا لما نلبسه السنة اللي بعدها هنبان وكأننا موضة قديمة وفي نفس الوقت مش هنكون عارفين إيه هي الموضة الجديدة.

رابعا:
خلي الألوان السادة اختيارك
10 خطوات... Kamar_14

وخصوصا في البلوزات فنحاول دائما نشتري الألوان السادة ونبعد عن المشجر والمنقوش، لأنها كلاسيكية وموضتها مابتروحش.

خامسا:
اشتري حاجات للصيف والشتاء
10 خطوات... Kamar_16

ولأن فيه بعض القطع من الملابس اللي يستحسن نشتريها في الأوكازيون؛ لأننا ممكن نلبسها في الصيف وبرضه في الشتاء؛ زي البنطلونات الجينز وهدوم الرياضة وقمصان البدل للرجال لأنها بتمشي في كل المواسم، خصوصاً الألوان الفاتحة منها.

سادسا:
قيس المازورة الأول

10 خطوات... Kamar_17

خصوصا واحنا بنشتري القمصان الكلاسيك تحديداً؛ لأن مقاستها بتختلف عن مقاسات القمصان الكاجوال يعنى مثلاً القمصان الكلاسيك مقاستها بتكون بالأرقام "15-16-17....." أو "38-39-40...." وعشان نعرف نحدد المقاس بنقيس قطر الرقبة بالمازورة والرقم اللي بيطلع هو اللى بنشتري على مقاسه، أما القمصان الكاجوال فمقاساتها بتكون “small – medim- large…” .

سابعا:
ملابس لكل المواسم
10 خطوات... Kamar_18

في بعض الهدوم الشتوية الخفيفة أو الصيفية التقيلة اللى بنسميها “Demi-Season” زي القمصان والسويت شيرتات، أو التيشيرتات اللي بكم طويل ودي بتنفع على مدار السنة ولو لقينا منها في الأوكازيون ياريت نشتري منها لأنها مفيدة جداً.

ثامنا:
مقاسات الأطفال الأفضل تكون كبيرة
10 خطوات... Kamar_19

بالنسبة للأطفال احنا ممكن نجيب لهم حاجات كتيرررررة جداً في الأوكازيون أهمها الأحذية والصنادل وفي بعض محلات الأطفال بتكون حاطه بواقي الموسم اللي فات حتى إننا ممكن نشتري مقاسات أكبر من مقاسهم الحالي، وده بينفع الأطفال لأنهم بيغيروا هدوم كتيرة في الصيف وكمان بيكبروا بسرعة، وبالتالي مقاساتهم بتتغير.

تاسعا:
السواريه كمان ليه نصيب
10 خطوات... Kamar_20

بالنسبة للسيدات والبنات اللي بيدوروا على فساتين سوارية ممكن يلاقوا حاجات كتيرررة في الأوكازيون بس بنأكد مرة تانية إن الألوان الحيادية حتى في السواريه أفضل فلو لقينا في الأوكازيون الألوان دي نقدر نشتريها ونشيلها للصيف.

عاشراً:
وفّر بس خد بالك
10 خطوات... Kamar_21

بالنسبة للرجال اللي بيشتغلوا في وظايف تستدعي إنهم يلبسوا بدل بشكل دوري ومنتظم يقدروا يشتروا في الأوكازيون بدلتين بسعر بدلة وطبعاً ده هيوفر لهم كتيررر بس نحاول دايماً نشتري البدلة اللي بزرارين، وتخلوا بالكم أن الأوكازيون هيكون غالباً على البدل اللي بـ3 زراير لأن الموضة دي خلصت وبالتالي المحلات هاتكون عايزة تتخلص من البضاعة دي.

وبكده نكون عرفنا 10 خطوات
تساعدنا في الشراء وقت الأوكازيونات
يارب تفيدكم وتعملوا بيها..

لتعديل بياناتك من هنا · موضوع: رد: 10 خطوات... الإثنين أغسطس 18, 2008 7:57 pm

ميرسى يا ساره الموضوع حلو قوى

لتعديل بياناتك من هنا · موضوع: رد: 10 خطوات... السبت سبتمبر 20, 2008 10:05 pm

لا ميرسى على واجب ياهدى

لتعديل بياناتك من هنا · موضوع: رد: 10 خطوات... الجمعة سبتمبر 26, 2008 12:47 am

هو فعلا ميرسى يا ساره على مشاركتك
بس هو انا ممكن اسال سؤال؟ايوه؟ اوك ميرسى ليكى
هو الموضوع دا مهم
قصدى يعنى هو لزمته ايه
لالالالاء مقصدش كدا انا قصدى هو رأى مين يعنى مانا ممكن اختلف
لالالاء يا ستى متزعليش انا مقصدش انا قصدى
يووووه مش عارفه بقى
كنت عاوزه اسال من غير ما احرجك

لتعديل بياناتك من هنا · موضوع: رد: 10 خطوات... الجمعة سبتمبر 26, 2008 1:56 pm

طبعا من غير احراج ياهبه
ان الموضوع ده ميهمش غير البنات طبعا
والستات لانهم غاويين لف وشرا
فبدل ميشتروا غالى ويرجعوا يعيطوا زيى
يعملوا زى مهو مكتوب ويشتروا رخيص وحلو بردة

» 5 خطوات للحصول علي معدة أصغر