الحب من طرف واحد

لتعديل بياناتك من هنا

الى كل من حب وكان حبه من طرف واحد

الحب يا سيدي ...
ليس من طرف واحد
ليس ليوم واحد أو زمن واحد
إنه دائم دوم الحياة
خالد حتى الممات

الحب يا سيدي.....
يتشارك فيه اثنان متحابان
إنه وبكل إيجاز.......
حب وعطاء .... تضحية و إخلاص
تسامح و مودة ...... ألفة ورحمة
لكن ذلك كان من طرف واحد
نعم .. حبي لك من طرف واحد
عطاء ...........من طرف واحد
ألم ............ من طرف واحد

و أصل السبب أنا مني
لم أكبح جماح مشاعري
لم أضع حدود لعواطفي
مشيت و مشيت وراء أوهامي
ووضعت المبررات لحرماني
وماذا جنيت ....
هموم و أوجاع ... ألم وصداع
قلب معلول ..... جسد مهزول
وحدة وشقاء ... دموع و أهات
رغم عقلي الذي نصحني
ومُر الواقع الذي حذّرني
إلا أن نداء قلبي غلبني

ولكني لا ألومك بل ألوم نفسي
ألوم عيني التي استرقت النظر
لعينيك. ...
فنظرة واحدة كانت تكفي لقتلي
ألوم قلبي الذي تجرأ أن ينبض
بحبك ....

ألوم أنانيتي وطمعي
لأني أحببت ما ليس لي
و تمنيت المستحيل
فأنا التي أهنت نفسي
ظلمت نفسي ... ثم قتلت نفسي
أنا التي حكمت على نفسي...
حكمت عليها بالإعدام حباً

و الآن بعد أن أدركت ذلك
أنتظر موتي وأعد الثواني لدفني
قبل أن أراك تُزف لغيري
تحب و تحيا مع غيري
فوداعاً يا ذكرى من ذكرياتي
يا أمل أبهج حياتي
يا سعادة أدركتها بالتمني
و يا ليتها ..........
تقضى الحوائج بالتمني
وداعاً يا من أهب له الحياة ليحيا
أهب له السعادة ليهنأ
وكفاني فخراً أننا .....
عشنا مع بعضنا في خيالي
وستظل أنت وحدك ..... وليس سواك
من شغل عقلي و فؤادي

لتعديل بياناتك من هنا

ليه بس كدة يابنتى بتقطعى قلبنا ليه
ليه الحب من طرف واحد
احسن ليكى متحبيش غير حد يكون بيحبك
مع ان الحب ده وباء بيجى مرة واحدة متعرفيش داخل ليكى منين
بس اعملى زيى اتحكمى فى قلبك علشان متندميش على حاجة
ويلا ربنا يصبرك

لتعديل بياناتك من هنا

ميرسى لنصايحك ولمشاركاتك اللذيذه

لتعديل بياناتك من هنا

عارفه يا سارة لو اعرف اعمل زيك كانت حياتى اتغيرت تماما للاسف انا فعلا والان بحب شخص ودى قصتى معاه انى حبى من طرف واحد مش عارفه اذا كان بيحبنى ولا لا وكمان معرفشى اذا كان عارف انى بحبه ولا لا وكتبت موضوع ماهو الحل الوحيد بناء عن كده ياريت اعرف اعمل زيك كنت ارتحت من حريق نيران الحب

لتعديل بياناتك من هنا

شوفى يا قطقوطة أنا رأيى تفضلى تحبى زى ما انتى من طرف واحد وبعدين خليكى ذكية تقومى رايحة الناحية التانية تحبى من هناك ويبقى ساعتها الحب من طرفين لأنك لما تسيبى مكانك وتروحى الناحية التانية ساعتها هتبقى طرف تانى بقه وفى الاخر هنوصل لنتيجة حلوة وهى ان انتى هتحبى على نفسك فى الآخر وماتخافيش البامبرز موجود ونسيت اقولك على فكرة اللى انتى كتباه ده جامد جدا جدا جدا على فكرة دا ينفع اغنية للفنان العاطفى شعبان عبد الرحيم

لتعديل بياناتك من هنا

فكرة برده يا مودى وزى مابخلق له مبررات اخلق لنفسى شويه ولا انت ايه رائيك

لتعديل بياناتك من هنا

ايوة بالظبط كده وتشتغلى نفسك على طول والمهم ماتنسيش أيه بقه .................؟؟؟؟؟ سمعينى كده علشان اعرف انك ذاكرتى

لتعديل بياناتك من هنا

انتى كدة زعلتينى بجد عليكى
والله انا كنت بهزر بس على الموضوع
بس واضح ان المشكلة اكبر من الهزار دة
ربنا يصبرك يابنتى على قلبك ده
واللى انتى بتحبيه ده ممكن حد يكون يعرفه وانتى تعرفيه كويس
يكون وسيط بينكم بس فى نفس الوقت تكونى انتى واثقة فيه
انه ميعرفوش انك بتحبيه علشان متبقاش وحشة فى حقك
وياريت والله وبجد كنت اقدر اساعدك
كنت عملت اى حاجة ممكن تريحك

لتعديل بياناتك من هنا

ميرسى جدا والله ياسارة اا حاسه من كلامك انك حنونه وكمان حاسه انى اعرفك من زمان بس للاسف محدش يقدر حكم ولا يريح فى الموضوع ده الا هو وربنا معايا وربنا يستر على اللى جاى

لتعديل بياناتك من هنا

فعلا احنا في اخر زمن البنت بتجهر فيه بالحب وبتكتب فيه شعر وبتقوله ستظل أنت وحدك ..... وليس سواك
من شغل عقلي و فؤادي وجوزك اللي ربنا كاتبهولك هتتجوزيه تقضية واجب ... بعد ما كانت علاقات الحب عار اصبحت علاقات علانيه وبيتقال فيه اشعار ربنا معاكي

لتعديل بياناتك من هنا

ربنا معانا كلنا هو انت عمرك ما حبيت على فكرة الحب ده لا بايدى ولا بايدك ولا بايد اى حد

لتعديل بياناتك من هنا

لو الحب مش بادينا يبقي كل الستات هتخون اجوازهم وكل الرجاله هيخونوا ستاتهم مفيش حاجه اسمها مش بادينا كل حاجه بنتحاسب عليها احنا بس اللي نسينا الاخرة فيه حجات كتير نسيناها وبقينا بنعتبرها شيء عادي انا عايز اعرف لو الرسول كان عايش بينا دلوقتي وسمع كلامك ده بنت من امته داخله تكتب شعر في حب شخص فين الحياء؟ وازاي تقولي علنا كده انه هيفضل في قلبك يعني تبقي متجوزه وفي قلبك واحد تاني قلبك ده امانه ملك جوزك المفروض تحافظي علي الامانه

لتعديل بياناتك من هنا

انا داخله اقول راى فى كل اللى قالوا اراهم
محمدههههههههههههههه دمك زى السكر ودا مش جديد
ساره يا حنيااااااااااانه
احمد انا حاسه انك هطب فى واحده ربنا بس اللى بيعلم بيها
ماهو اللى بيخاف من عفريت بيطلع له
اما بقى عن الحب يا عينى الحب يا سيدى الحب
الحب......والله انا راى ان الحب حلة محشى احلى منه مية مره Very Happy

لتعديل بياناتك من هنا

ان شاء الله ربنا يكون شايلي جوهرة وفي كل الاحوال انا راضي بكل اللي ربنا قاسمهولي

لتعديل بياناتك من هنا

يا جماعة انا عايز اقولكم ان انا مبسوط جدا بالنشاط اللى فى المنتدى ده لأن بدات أحس ان الكل فاق وبدا يشارك برأيه سواء فى اختلافات فى الرأى او لأ بس انا هسألكم سؤال مش حاسيين ان الحياة كده بقت احسن على الاقل الواحد بيقور رأيه وفى نفس الوقت بيشوف الاراء التانية ولولا الاختلاف لما كان هناك متعة للحوار.

المهم بالنسبة للحب انا احب اصلح حاجة بس هو الحب فى حد ذاته مش حرام انما التصريح بيه لأى شخص البنت مالهاش علاقة بيه (جواز يعنى) يبقى ما ينفعشى تصرح بيه يبقى انا مع احمد ان التصريح بالحب لشخض البنت ما تعرفوش يبقى حرام انما الحب فى حد ذاته انا مع قطقوطة لأنه من عند ربنا

لتعديل بياناتك من هنا

الحمد لله
نظرتى عمرها مكانت غلط ابدا
انا قلت كدة محدش صدقنى

لتعديل بياناتك من هنا

ميرسى يا جماعه لهتمامكم وياريت اشوف مشاركتكم على طول

لتعديل بياناتك من هنا

السلام عليكم ورحمة الله وبركاته انا عايز اسالك سوءال يا استاذ محمد لو الحب مش بادينا يبقي من حق الست انها تفكر في راجل غير جوزها

قال تعالى ( قل إن تخفوا ما في صدوركم أو تبدوه يحاسبكم به الله )
صدق الله العظيم

وكل اللي بيحصل ده سببه الاختلاط ياريت تقروا سورة الاحزاب من الايه 52 للايه 59

لتعديل بياناتك من هنا

اختلاط فى الامر يعنى؟
على فكره احنا بنسمع فى البلاد اللى مش زى مصر بلاوى عمر نصها ما سمعناه هنا
انت ممكن يكون عندك حق
بس احنا شعب مسالم
يعنى فى السعوديه لو ست ماشيه لوحدها تضمن تروح
عدم الاختلاط خلى الرجاله وحوش
والستات مجانين
طبعا انا مقصدش السعوديه تحديدا

لتعديل بياناتك من هنا

ايه اللي بتقوليه ده يا هبة

اتفضلي الادله علي تحريم الاختلاط

أن النساء لم يكنّ يُصلين مع الرجال ، بل يُصلين في مؤخِّرة المساجد والْمُصلَّيَات
ولذلك فإن النبي صلى الله عليه وسلم لما خَطَب خطبة العيد ظنّ أنه لم يُسمِع النساء لِبُعدِهن ، فوعظهن .
روى البخاري ومسلم عن ابن عباس رضي الله عنهما أن رسول الله صلى الله عليه وسلم خَرَج ومعه بلال فظنّ أنه لم يسمع فوعظهن وأمَرَهنّ بالصدقة .

وفي رواية للبخاري : ثم أقبل يشقهم حتى جاء النساء معه بلال .
فهذا يدل على أنه شقّ صفوف الرجال حتى أتى صفوف النساء في مؤخِّرة المصلى .
ولو كُنّ جنبا إلى جنب مع الرِّجال لما احتاج الأمر إلى أن يُسمعهنّ ، ولما شق صفوف الرِّجال حتى يأتي النساء .

ولما قالت النساء للنبي صلى الله عليه وسلم : غلبنا عليك الرجال ، فاجعل لنا يوما من نفسك . فوعدهن يوما لقيهن فيه ، فوعظهن وأمرهن . رواه البخاري .

أما لو كانت النساء في وسط صفوف الرِّجال ومختلطات بهم هل كُنّ يُغلّبن مِن قِبَل الرِّجَال ؟!

بمعنى : لو كان هناك اختلاط وعدم فصل ، هل كُنّ بحاجة إلى يوم مستقل لتعليمهنّ ؟

وكانت النساء في زمن النبي صلى الله عليه وسلم لا يختلطن بالرجال .
روى البخاري عن ابن جريج قال : أخبرني عطاء إذ منع ابن هشام النساء الطواف مع الرجال . قال : كيف تَمنعهن وقد طاف نساء النبي صلى الله عليه وسلم مع الرجال ؟
قلت : أبعد الحجاب أو قبل ؟
قال : إي لعمري . لقد أدركته بعد الحجاب .
قلت : كيف يخالطن الرجال ؟
قال : لم يكن يخالطن ، كانت عائشة رضي الله عنها تطوف حَجْرة من الرجال لا تخالطهم ، فقالت امرأة : انطلقي نستلم يا أم المؤمنين قالت : عنكِ ، وأَبَتْ .
ومعنى ( حَجْرَة ) أي ناحية . يعني أنـها لا تُـزاحم الرجال في الطواف .
ومعنى " أبت " : أي رفضت أن تُزاحم الرجال لِتستلم الحجر أو الركن .

وقالت أم سلمة : كان رسول الله صلى الله عليه وسلم إذا سلم قام النساء حين يقضي تسليمه ويمكث هو في مقامه يسيرا قبل أن يقوم . قالت : نرى - والله أعلم - أن ذلك كان لكي ينصرف النساء قبل أن يدركهن أحد من الرجال . رواه البخاري .

بل قال النبي صلى الله عليه وسلم للنساء في زمنه لما اختلط الرجال مع النساء في الطريق ، وهو خارج من المسجد ، فقال : استأخرن ، فأنه ليس لكن أن تُحقِّقْنَ الطريق . عليكن بحافّات الطريق ، فكانت المرأة تلتصق بالجدار حتى إن ثوبها ليتعلق بالجدار من لصوقها به . رواه أبو داود .

ولما دخلت مولاة لعائشة عليها فقالت لها : يا أم المؤمنين طفت بالبيت سبعا ، واستلمت الركن مرتين أو ثلاثا ، فقالت لها عائشة رضي الله عنها : لا آجرك الله . لا آجــرك الله . تدافعين الرجال ؟ ألا كبّرتِ ومررتِ . رواه الشافعي والبيهقي .

ألا تدلّ هذه الأدلـة على تحريم الاختلاط ومنعه ؟

فأنت ترى أن النبي صلى الله عليه وسلم مَنَع الاختلاط في الشارع والطريق ، أفلا يكون منعه في مقاعد الدراسة أولى ؟!

الجواب : بلى والله .

ولا يوجد دليل واحد على جواز الاختلاط ، فلم يكن ثمّ اختلاط في المجتمع النبوي ، لا في الطرقات ولا في المساجد ولا في العِلم والتعليم .

وكان في زمن سلف هذه الأمة المرأة تُعلِّم وتتعلّم من وراء حجاب ومن وراء سِتر .

ولذلك قال مسروق : سمعت عائشة وهى من وراء الحجاب . رواه البخاري ومسلم .

وعند البخاري من طريق يوسف بن ماهك قال : كان مروان على الحجاز استعمله معاوية فخطب فجعل يذكر يزيد بن معاوية لكي يُبايَع له بعد أبيه ، فقال له عبد الرحمن بن أبي بكر شيئا ، فقال : خذوه ! فدخل بيت عائشة ، فلم يقدروا ، فقال مروان : إن هذا الذي أنزل الله فيه : (وَالَّذِي قَالَ لِوَالِدَيْهِ أُفٍّ لَكُمَا أَتَعِدَانِنِي) فقالت عائشة - من وراء الحجاب - : ما أنزل الله فينا شيئا من القرآن إلا أن الله أنزل عُذري .

فالشاهد أن عائشة رضي الله عنها كانت تُكلِّم الناس من وراء حجاب .
قال الإمام البخاري في ترجمة عبد الله أبي الصهباء الباهلي : ورأى سِتْر عائشة رضي الله عنها في المسجد الجامع ، تُكَلِّم الناس من وراء السِّتر ، وتُسأل من ورائه . اهـ .

وليس هذا مختصاً بأمهات المؤمنين بل كانت النساء إذا تعلّمن أو عَلّمن يكون ذلك من وراء حجاب .

ففي ترجمة الحرّة البسطامية : وكان يُقرأ عليها من وراء السِّتر .

وكانت النساء يَكُنّ من وراء الستور .
ففي المسند عن عبد الله أبي عبد الرحمن قال : سمعت أبي يقول : جاء قوم من أصحاب الحديث فاستأذنوا على أبي الأشهب ، فأذن لهم فقالوا : حَدِّثنا . قال : سلوا . فقالوا : ما معنا شيء نسألك عنه ، فقالت ابنته - من وراء السِّـتْر - : سَلُوه عن حديث عرفجة بن أسعد أُصيب أنفه يوم الكُلاب .

والشواهد كثيرة على أن مجالس سلف هذه الأمة وخيارها لم تكن مفتوحة على بعض بل كان بينها السّتور .
كما أن نساء هذه الأمة لم يَكنّ يتعلّمن أو يَتعلّمن إلا من وراء حجاب وسِتر .

والله تعالى أعلم .

لتعديل بياناتك من هنا

شكرا على المحاضره دى
انا استفدت منها اكيد
ومعنديش اى اعتراض على و لا كلمه فيها
ومش من انصار الاختلاط
بس المجتمع اللى احنا اتولدنا فيه مبيمنعش سفر المرءه للتعلم
ولا انها تمشى فى الشارع لوحدها للعمل مثلا او الدراسه
لو هو دا الاختلاط و البنات ملتزمات متهيألى مش حرام

لتعديل بياناتك من هنا

كلامك جميل
والمحاضرة أجمل
بس انا أحب اضيف معاك ياهبه
ان مجتمعنا فى العمل مثلا بيفرض علينا الاختلاط ده
بس لو البنت دى بتحترم نفسها وبتتعامل بادب مع اللى حواليها
اكيد اللى حواليها هما كمان هيعاملوها بأدب واحترام
وده بيرجع للتربية فى البداية
حتى المدارس والجامعات
لو لقيت مدرسة مش مشتركة تبقى واحد فى الالف
والطبيعى يعنى ان كل واحدة تحافظ على نفسها
وتحترم نفسها علشان اللى حواليها يحترموها

لتعديل بياناتك من هنا

انتي ملكيش دعوة بالمجتمع وهما نساء الرسول مش اكتر نساء العالم احتراما والمجتمع اللي كانوا فيه مش اكتر مجتمعات العالم احتراما ربنا بيقول (وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ ) عشان كده نساء الرسول لما كانوا بيكلموا الرجاله في الضرورة كانوا بيبقي من خلف حجاب ولو عكسنا الكلام ده هياثر علي طهارة القلب ودي حاجه ملهاش علاقه بالاخلاق

والرسول قال بدا الاسلام غريبا وسيعود غريبا فطوبي للغرباء عشان كده مباديء الاسلام معدتش بتطبق في بلاد المسلمين وانتي عليكي تختاري تبقي من الغرباء وتمشي بمباديء الاسلام وتصبري او تعملي زي ما المجتمع بيعمل وخلاص

لتعديل بياناتك من هنا

هبه كتب:: شكرا على المحاضره دى
انا استفدت منها اكيد
ومعنديش اى اعتراض على و لا كلمه فيها
ومش من انصار الاختلاط
بس المجتمع اللى احنا اتولدنا فيه مبيمنعش سفر المرءه للتعلم
ولا انها تمشى فى الشارع لوحدها للعمل مثلا او الدراسه
لو هو دا الاختلاط و البنات ملتزمات متهيألى مش حرام

مهو عشان كده شوفي الوضع اللي وصلنا اليه حتي البنات المتربية كويس بقت بتغلط بمنتهي السهولة عشان فتحنا باب الفتن مهو الاسلام مش بيمنع حاجه هباء كل حاجه ليها هدف

لتعديل بياناتك من هنا

ربنا يزيدك من العقل ده

» وهم الحب عند الفتيات .. الحب المحرم
» هروب الحضرى
» كلام في الحب
» اختبار فى الحب
» موضوع حلو عن الحب